ESPN語錄

[龍寶寶]

飛燕諾對阿仙奴(歐聯)
何輝：講起飛機恐懼症，我拍檔丁偉傑隔離果個我都有呢個問題！

丁偉傑：但係番香港都要搭飛機個喎，搭船要好耐！

何輝：要成五日呀，我問過啦！
丁偉傑：如果無左拍檔五日都唔知點算囉！

(英超聯賽)
江忠德：嘩！如來神掌呀！
何輝：如來神掌第幾式呀？
江忠德：雙龍雙掌囉。
何輝：如來神掌有雙龍雙掌咩？？？？

(英超聯賽2)
江忠德：咦，碧咸頂白色帽又幾靚播！
何輝：可能襯番對白BOOT呢！？
江忠德：好彩佢對BOOT唔係綠色嗟！
何輝：咁都俾你諗倒啊！

阿仙奴對葉士域治：
何輝：駛唔駛俾牌呢？
江忠德：睇黎好似唔駛啦。如果要俾何輝你俾囉！
何輝：冇牌喎？！
江忠德：成件黃衫係你身上面喎！

加拉塔沙雷對利物浦：
江忠德：維多利亞呢個名真係又順口又好聽既嗟。”
何輝：唔知碧咸對住佢會點呢？
江忠德：我諗唔會舔糖卦。”
江忠德：個名咁搞笑既，叫“輸緊”喎！
何輝：又未輸得晒喎！
江忠德：但係輸緊丫嘛！
何輝：不過佢地隊中又冇個叫“輸硬”喎。

巴斯隆拿對加拉塔沙雷：
江忠德：陣中有位球員個名叫“尼古力斯古”，咁如果讀快D呢？
黃興桂：變左做“嚦咕嚦咕”。

紐卡素對車路士：
何輝：一痾，黃金之蛋

利華古遜對曼聯：
何輝：你（指托比慕拿）就唔可以出黎，你要番入去。拿，唔好走出呢個框框呀，如果唔係趕你出場架！

曼聯對農特：
江忠德：巴夫斯又響度搵波喇。
何輝：望下上面高處又冇，又唔係自己左右，原來係後面。
何輝：如果個波DUP落巴夫斯個頭度，唔知佢搵唔搵到呢？
江忠德：試下囉。
何輝：我諗一定搵唔到嗟。

曼聯對西布朗：
江忠德：有越位喎！
何輝：有冇呢？你轉做球證，你睇下有冇喇！
江忠德：我就話有喇！
何輝：你話有就有啦！其實個波斬出黎既時候冇越位個喎。

(英超3)
何輝：科拿入過波未呢？
江忠德：聽講響友誼賽上入左５粒喎！算唔算呢？
何輝：應該唔算個喎。友誼賽唔係正式比賽喎。
江忠德：都算架，友誼嗟，都係賽黎架嘛！
何輝：唔得！因為呢D比賽唔係屬於任何既總會喎！

伯名翰對列斯：
丁偉傑：拿~~你信唔信丫？又有觀眾話你兩個講波佬好衰，由頭彈到落尾，不過真係有果句講&果句囉。
丁偉傑：告魯斯帶領伯名翰贏得英超第一場比賽。
何輝：仲要贏強隊喎！
丁偉傑：但列斯上一場輸過俾辛德蘭喎。
何輝：哎呀~~咁就冇咁興香。

利華古遜對曼聯：
江忠德：映梗月亮喎!
何輝：中秋過左囉喎。
江忠德：有D黃黃地咁既！
何輝：映梗佢塊面喎！
江忠德：黑黑地喎！

羅馬對皇家馬德里：
何輝：卡福話，喂！好囉喎！~~唔好玩得咁過份喎！假假地我都剛剛捧完世界杯呀！

查爾頓對曼聯：
江忠德：人工最高果個唔一定係最定果個。
何輝：咦？！咁對面果個7號咪好危險？
江忠德：科蘭！~~恨響比賽第一個入波恨到流曬口水架啦！
何輝：就黎要番條口水堅上場打波咁樣架啦！
江忠德：陣間12點幾仲有場英超。陣間3點半果場仲犀利。大家唔好訓住呀！抖一抖，食個包再黎個。
何　輝：駛唔駛刷牙先呢？
江忠德：唔駛刷住。睇完波5點幾食埋個早D既早餐再刷牙訓覺都未遲。
何　輝：不如睇埋聽晚果場先刷！
江忠德：咁又唔得，口臭架！

[搖搖]

係邊度搵嫁....

[Magic Q]

覺得何輝份人好黑人憎,成日都寸d拍檔,又鐘意數球証不是

[龍寶寶]

Originally posted by 搖妖傑 :
係邊度搵嫁....

其他足球網站

[馬馬]

咁都攪到^o^

[suzuki]

我覺黃興桂衰0的,
永遠都係個兩句,
又很主觀,很喜歡馬後炮,
永遠講奧雲做O雲,一個英文字加個中文字,很難聽
一有球員犯錯,就無端端講:[我一早講左,佢0甘樣唔得啦,],
跟住就一輪咀教訓0個位球員,但之前唔多覺見個佢一早講個0羊?
仲有很多....不能盡錄
佢講波時留意一下...
至於何輝及江忠德,
他們這樣講只是攪下氣氛,不是寸他人

[昇]

Originally posted by suzuki :
我覺黃興桂衰0的,
永遠都係個兩句,
又很主觀,很喜歡馬後炮,
永遠講奧雲做O雲,一個英文字加個中文字,很難聽
一有球員犯錯,就無端端講:[我一早講左,佢0甘樣唔得啦,],
跟住就一輪咀教訓0個位球員,但之前唔多覺見個佢一早講個0羊?
仲有很多....不能盡錄
佢講波時留意一下...
至於何輝及江忠德,
他們這樣講只是攪下氣氛,不是寸他人

段野好攪笑AR
至憎黃興桂講波~~佢D音勁正:@_@":
佢講個“粒”字真系好~~

[itcwai]

出書一定笑到碌地

[sugihara]

有時聽佢地講波真係吹到啤一聲:@_@":
淨係句「罰波」已經想死

[昇]

Originally posted by sugihara :
有時聽佢地講波真係吹到啤一聲:@_@":
淨係句「罰波」已經想死

黃興桂的粒字~都吾野少

[STi]

黃興桂之十二碼理論
[拿,射十二碼有兩個可能性,一係入,一係唔入...]
仲有一句
[肯射十二碼ge球員一定係好球員]

[chunyu]

XDDDDDD~~~~
何輝撘江忠德好正呀~~~~~
完全冇得頂呀~~~~

[阿剋]

(英超聯賽2)
江忠德：咦，碧咸頂白色帽又幾靚播！
何輝：可能襯番對白BOOT呢！？
江忠德：好彩佢對BOOT唔係綠色嗟！
何輝：咁都俾你諗倒啊！

依句我好記得

[Gundam MK-2]

爆笑......