討論一下熱血和黃毓民究竟乜心態

[尼路]

咪一開波之前個句，事實上只係你唔信佢地之嘛。理乜性討論。認左呢個事實大家高興咪算，所以我真係好欣賞TK大，講明咁濟撐到佢覺得係熱狗就死。
我都唔怕講明，係咁的情況下點解會係GAF問呢？你最想知的個班熱狗根本唔會係到/係到都唔會答啦，你想其他人點答你？請神上身定問米？
再者你個問題之前我都反問左啦，事實係點大家都知，反而你講得出點去做我直到覺得你救世主啦！對家出術都界到咁好野。
而且認真一句，邊個政客唔打到昨天的我？就算唔係政客都會啦，幾年前會覺得某D人反支過份，今日幾多人反埋一份？支持佢地係睇佢地路線同自己相合否，唔係信教呀？唔係你要張票把鬼呀？唔通他日無論雙黃定飯民投晒共你都照投就因為佢個名呀？咁同國內個D信有民主中國就會被外國控制的人有乜分別？
加多句，就算萬一佢地真係華麗轉身，佢下面班信徒就第一時間溶左佢，就衝呢點個人覺得除非佢地想自殺，唔係想轉都轉唔到。呢D就係激進派的包袱。

[newb]

作者: mikemike

分手可以有好多種，我和朋友不歡而散，都唔會在其他朋友面前唱衰他，但黃毓民居然用分裂來去自誇，可見他的人格都好有問題！

係老燒老黃兩邊分手後都互唱得好毒囉
你要知道呢班人既相似點係認左某個人係敵人之後講野係唔會收口

[mikemike]

作者: sohippy

係老燒老黃兩邊分手後都互唱得好毒囉
你要知道呢班人既相似點係認左某個人係敵人之後講野係唔會收口

有D嘢知道，不過唔會講，點解黃毓民去到邊都攪到分裂，心照啦！

[chitkan]

話時話湯渣個補選如果泛民輸左,加埋老鼠誠果票都夠改議事規則禁拉布

[烈海王]

作者: mikemike

2012年我的確投比黃洋達，之係好後悔，雙黃呢幾年嘅所作所為，我覺得越來越不知所謂。

從政治、宣傳手腕上，我見到黃洋達係極速進步，只係佢班細跟唔上，當年敗選之後反人力，我以為佢政治生涯已經玩完，點知轉頭搞個熱血時報，一直捱下捱下，到雨傘時期，見到Facebook Like數由6萬，暴昇至30幾萬，我已經知道我睇少咗佢，呢條光頭佬魄力係好強，一直Keep住試好多花臣吸客（搞漫畫搞劇場、年年有新書出），一等到好運到，成個勢就即刻上，之後仲有白痴Man挑戰佢，等於間接幫佢，搞拳賽賺錢賺名氣，班信徒已經穩如磐石，成件事嘅發展，我見到唔係黃洋達有無料，而係其他社運組織真係好懶，係超懶，泛民只係年年行禮如儀、春秋二祭食老本，完全無諗住吸新客，社記同人力原本都好有Heart，但慢慢都愈來愈閉關自守，仲要用人唯廢，無嘗試用咩新方法去吸客，剩係全力打熱狗就算。

嚮我眼中，黃洋達同黃之鋒係同一類人，好識得見風轉陀，順時勢而走，為自己攞到最大支持度，只係黃洋達鍾意走偏鋒、黃之鋒就跟翻傳統泛民條路吸客咁解，但因為兩條友好清楚市場風向，所以我覺得，將來佢哋嘅言行會愈來愈似，只係互相唔承認咁解。

[烈海王]

作者: 尼路

咪一開波之前個句，事實上只係你唔信佢地之嘛。理乜性討論。認左呢個事實大家高興咪算，所以我真係好欣賞TK大，講明咁濟撐到佢覺得係熱狗就死。

呢個真
之前隔離Forum有班人追擊熱狗
一直有人零星提黃洋達點賤點衰
幾乎都有人反駁
直至有一次有位仁兄直認
佢擺明就係憎恨黃洋達
黃洋達連呼吸食飯都係有罪
黃洋達呢個人存在本身就係錯
佢就係想睇住黃洋達死

其實老實啲咪幾好

[烈海王]

作者: chitkan

我感覺都係差唔多
所以真係好想知現今仲係人力支持者既人係點諗
同埋佢地睇既野可能同我晌其他地方接收既資訊又唔同
但以我自己黎講我對人力既印象會仲差過白鴿, 頂多只多只有慢必會係可觀察名單

睇下謎迷個Forum就知人力支持者點諗
我見到人力係成也老蕭、敗也老蕭
好多人係因為聽老蕭節目
做咗佢鐵粉（我好多年前都係）
先支持人力（愛屋及烏）
雖然好多人話老蕭唔係人力中人
但問題係老蕭嘅說話
嚮人力當中係佔有極重要份量
影響力仲大過袁主席
但問題係當人力下面同前線工作班人發覺
社會趨勢已經唔同老蕭所講（簡單講老蕭已經同班後生脫節）
就會好似而家間唔中有主持嘲諷老蕭
但又唔敢完全同佢走相反路線
結果kick住係中間
剩係點樣睇走私犯呢件事上面
人力已經進退失據

袁主席曾經試圖轉型吸中產客
係好諗頭
但問題係激進示威行動會嚇走班中產
但如果放棄激進示威
班基本盤又會散
咁全力走基層激進路線呢？
基層激進路線已經偏晒去本土主義
但老蕭一早講咗本土係法西斯
污名化咗本土好耐（慢必同大舊直情讉責反走私行動）
結果又係吸唔到客
基本盤愈來愈少
新客又吸唔到
結果佢哋唯一諗到出路就係全力打熱狗搶客
仲不惜同社記、左翼合作
條路愈走愈怪
雨傘時期仲將所有異見聲音都老屈係熱狗
其實係送緊支持者畀黃洋達
呢班人智力真係......唉......

[烈海王]

作者: sohippy

係老燒老黃兩邊分手後都互唱得好毒囉
你要知道呢班人既相似點係認左某個人係敵人之後講野係唔會收口

有一輪真係兩邊鬥傻

黃洋達嚮節目直播打機
攞老蕭、141做怪物名一邊打一邊自High
黃毓民就隔空狂插老蕭菊花
又話畀老蕭迫害又剩

老蕭就多次嚮節目話君子不出惡言
但一講完呢句就狂爆粗插雙黃
甚至同黃毓民之間私人嘢都搵出嚟講
佢話仇恨係心入面嘅一條毒蛇
我睇得出老蕭心入面條毒蛇都好肥大下

[2dn]

相同意見就老蕭隻狗，唔同意見但未到相反都可以講做因蕭而kick住，
點解會係以敢唔敢逆老蕭意，黎判斷佢地既政策對或錯既？
咁佢地係因為路線相近先會係友好，意見相近係好正常喎。
人力下下要同老蕭持相反意見先證明到已經退蕭？咁既人力你要嘞。
講法成立的話，套落熱血毓民裡面又係咪通呢？
用謎米討論區班蕭膠黎代表人力，唔好搞笑啦，但咁諗都好正常，要抽稱梗係揾最白痴果d黎講。

[Garnet_Crow]

熱狗蟲狙擊AV仁，唔知到時票數會否多過當時陳大舊303票

[烈海王]

作者: 2dn

講法成立的話，套落熱血毓民裡面又係咪通呢？

一樣通，要睇下分歧差幾遠，好多時雙黃意見都唔同，只係黃毓民轉向轉得比較快（至少表面上），磨合得亦比較快，之前「反走私行動有細路女喊」，黃毓民開頭講法都同熱血唔同，但好快都轉口風。

我並非以「點解會係以敢唔敢逆老蕭意，黎判斷佢地既政策對或錯既？」，而係老蕭說話對人力粉確實影響力大，但同人力部份人取態係愈走愈遠，無論逆唔逆老蕭意，個組織都係撕裂緊（我識有人力粉而家都好迷茫），至於政策對或錯，其實根本未到呢步，至家係見到人力唔知想點，不過算數，有快必呢位人才幫手，人力都前途似錦，駛鬼諗政策咩。

唔用謎米討論區班蕭膠黎代表人力，咁搵邊度？「要抽稱梗係揾最白痴果d黎講」，老實講，出得行動多、見得多都知，激進派Fans好多都係痴痴哋（我都唔敢斷言係咪痴線佬先會咁激），人力熱血本土皆如是，如果唔係袁主席都唔會發生「痴漢追女事件」啦。

[chitkan]

作者: 烈海王

從政治、宣傳手腕上，我見到黃洋達係極速進步，只係佢班細跟唔上，當年敗選之後反人力，我以為佢政治生涯已經玩完，點知轉頭搞個熱血時報，一直捱下捱下，到雨傘時期，見到Facebook Like數由6萬，暴昇至30幾萬，我已經知道我睇少咗佢，呢條光頭佬魄力係好強，一直Keep住試好多花臣吸客（搞漫畫搞劇場、年年有新書出），一等到好運到，成個勢就即刻上，之後仲有白痴Man挑戰佢，等於間接幫佢，搞拳賽賺錢賺名氣，班信徒已經穩如磐石，成件事嘅發展，我見到唔係黃洋達有無料，而係其他社運組織真係好懶，係超懶，泛民只係年年行禮如儀、春秋二祭食老本，完全無諗住吸新客，社記同人力原本都好有Heart，但慢慢都愈來愈閉關自守，仲要用人唯廢，無嘗試用咩新方法去吸客，剩係全力打熱狗就算。

嚮我眼中，黃洋達同黃之鋒係同一類人，好識得見風轉陀，順時勢而走，為自己攞到最大支持度，只係黃洋達鍾意走偏鋒、黃之鋒就跟翻傳統泛民條路吸客咁解，但因為兩條友好清楚市場風向，所以我覺得，將來佢哋嘅言行會愈來愈似，只係互相唔承認咁解。

友壇見人貼

黃洋達:我地要實現當年既夢想,結束一黨專政,建設民主中華
7:00睇
http://www.youtube.com/watch?v=JXSnN...ature=youtu.be

「我地既目標唔係剩係獨善其身，唔係剩係守護住我地既自由空間…我地希望我地既自由空間會遍及整個中華，遍及整個中國大陸…我地既立場堅定，始終如一…平反六四！平反六四！平反六四！我相信，終有一日，我地中國人都可以做到！」

笑左

[小特特]

呢點我到2008年都仲未好介意叫自己中國人,
近年思想唔同左我而家絕對唔會再叫自己中國人

any problem?

[Dyhalt Rushifar]

https://www.facebook.com/doitJerry/p...type=3&fref=nf
班人完全唔覺得係自己形象有問題，而且出黎抗議一定要為晒全世界，唔可以單一為自己群組
你冇捍衛世界和平地球生態既心真係唔好參與任何抗爭…

[烈海王]

作者: chitkan

友壇見人貼

黃洋達:我地要實現當年既夢想,結束一黨專政,建設民主中華
7:00睇
http://www.youtube.com/watch?v=JXSnN...ature=youtu.be

「我地既目標唔係剩係獨善其身，唔係剩係守護住我地既自由空間…我地希望我地既自由空間會遍及整個中華，遍及整個中國大陸…我地既立場堅定，始終如一…平反六四！平反六四！平反六四！我相信，終有一日，我地中國人都可以做到！」

笑左

而家睇返係好搞笑，我當年都一樣，北京奧運、上海世博我都覺得好感動，而家諗返都覺得自己贛Nine。

[T.K.]

用粗口係未想搏bam?

[烈海王]

作者: T.K.

用粗口係未想搏bam?

唔知道諧音都唔得，不過無所謂啦，真係Bam咪唔上囉，反正一直想戒上Forum，只係手痕戒唔到，有人幫手都唔錯

[T.K.]

咁我幫你啦

[knight-philip]

作者: 尼路

你有睇開gaf政治相關topic，就知gaf呢個話題無客觀理性的啦，所以見親都話人放陷阱之嘛。
要認真，都係返fb啦。

YOU RIGHT

[鈴蘭]

作者: Dyhalt Rushifar

https://www.facebook.com/doitJerry/p...type=3&fref=nf
班人完全唔覺得係自己形象有問題，而且出黎抗議一定要為晒全世界，唔可以單一為自己群組
你冇捍衛世界和平地球生態既心真係唔好參與任何抗爭…

根本次次都係咁，次次一出黎抽水成個活動就失晒焦，然後成件事膠化
佢地成日鬧人膠，但其實令件事膠既原因就係因為失焦先顯得件事兒戲所以感覺好膠
佢地自己唔明之嘛sosad


其實好簡單一句，如果覺得自己係「幫人吹雞」咁偉大既，就唔會黎到之後結果原來係囉自己想爭取同抗爭既理由出黎抽水，而係用番同一個議題
件事就好似班學生幫碼頭工人爭取權益唔會爭爭下變左大叫打倒地產霸權、爭取平反六四、爭取真普選一樣

[Dyhalt Rushifar]

作者: 鈴蘭

根本次次都係咁，次次一出黎抽水成個活動就失晒焦
得佢地自己唔明之嘛

佢地未咁洋之前，在下真係理解唔到點解左膠次次都可以成功騎劫佢地就次次俾人甩架。

[sugihara]

大家都係騎劫,左膠講大愛包容,佢就講老母

[chitkan]

香港人、香港社運人、左膠、激進派好似仲未明個問題出晌邊
其實問題出自抗爭心態既差異同埋香港人接受度之上

以往, 香港既示威抗拒, 主要流於數人頭之上
一般黎講人數決定力量
好似當年十年前D七一遊行咁, 乜人都有法輪功、新移民、支持藏獨、舉港英旗既人乜都有
但唔會好似而家咁成日變成騎劫、焦點之爭

一個原因係因為近年抗爭既焦點由人數轉為抗爭既形式之上

簡單黎分,
而家香港既抗爭方式可以分成兩種,
其心態、背後既概念同埋做法都大相逕庭

用最簡單既淺白既講法,
一種係「示弱」, 包括左翼同傳統和理非既政治行動
一種係「示威」, 包括較激進既抗爭行動

陶傑成日話「示弱用自己身體威脅共產黨」其實錯哂
因為「示弱」式抗爭既目標都唔係對向政權, 而係對向旁觀者, 包括其他市民, 以致國際社會
佢地既方式就係盡一切可能展示自己係受害者, 自己既權益受到剝削,
抗爭方式就以表示一種受迫害既姿態, 例如苦行、絕食、淋雨、自守被捕等等
目標係引起其他人既同情, 造成社會認同, 從而產生社會壓力去影響政權
既係戴耀庭成日講既「道德感召」, 直白D講即係「搏可憐」

而激進既抗爭行動
核心就來自一種意識, 認為自身權益受到影響或社會上有不公之事,
人民有權挺身而出, 為左自身權益或公義去向政權爭取合理待遇,
呢種理念講緊既係直接對政權產生既壓力, 所以抗爭行為多以不合作或對抗性既行動為主

但由於後者既抗爭模式係衝激性, 容易令前者所期望既道德力量減弱,
所以永遠激進抗爭者或激進抗爭行為出現, 就會被和理非主義者覺得被騎劫、被破壞運動

再加上
香港人對抗爭既接受度其實仲係好低
即使認同個議題, 只要有較不溫文, 大聲D、講粗口, 或影響倒任何人生活既行為, 都已經令好多人覺得係影響觀感
我個人覺得香港人晌呢方面差唔多去到一個潔癖既地步

亦因為咁, 令到兩派既抗爭手法更加係水火不容
從而令到現今路線之爭既問題出現

其實我想知有無人寫過類似既野
因為我感覺呢個問題拗左咁耐, 似乎無人提出過個問題核心?

[chitkan]

順便向烈士致敬

[keijoey]

我而家都仲係覺得黃洋達係個有價錢既人, 只要老共俾夠個價, 任何人同理念佢都可以出賣