魚與熊掌兼得
講來講去其實都幾重錢呢樣野

非愛情注意，只是因為令我感到迷茫的原因不是愛情嘛，怕誤會咪先旬聲明囉
我明白妳的意思啊：）以愛為先，而不是為金錢出賣自己，對吧

所謂狡兔三窟，你都有你既道理
不過太依賴呢個生存方式其實係太自我，對解決問題冇乜幫助

學老孔明話事計
「誠宜開張聖聽，不宜妄自菲薄」
你咪隨便講一下囉

講多少少鍾意打機既原因
遊戲呢種ＰＲＯＧＲＡＭ，係判斷過程中只有ＡＩ自動操作，不涉及人為干涉
你乎合ＰＲＯＧＲＡＭ要求，咪過關囉，唔乎合咪ＧＡＭＥＯＶＥＲ
但一涉及到人性主觀干涉
所有野即時複雜好多

我淨係知道，一件工具本身有幾好都好
使用者其身不正，都係一個問題。

而最近我所遇到兩個最易被人濫用工具既就係「聖經」同埋「警權」

返到咁唔開心
仲要比人針對

nhk=日本廢材協會
即係家裡蹲呀
你而家都準備行入去咁濟啦

教會呢樣野,當你唔再認同佢既價值觀時,就只會變得更憎恨參與其中.....

我無言了


*雷太
你都係去我度開個acc把啦
搵日我開台慢慢講

唔係咩？
關錢咩事？
就今晚開吧

拿，咪郁Ｄ就話人騎劫呀下

老實講，其實呢個係自由題（算係？）
我唔期望可以係呢個ＰＯＳＴ度立即搵到我想要既答案，
不過至少有人陪我吹下水，將不知名既怨氣至少暫時吹散一下，咁咪好囉

最大既問題就係放唔低。我係，甚至佢地都好大機會係....
但係我要對住佢地，呢下先係令怨氣散不去既主要原因？

其實俾人針對，自問都要負責任既，只怪當年年少無知
不過我最討厭係一味話係我問題，而自己冇諗過自己已經帶有色眼鏡
去到一個地步，當你發現你講既野係有道理，但係因為出自你把口而等於冇道理時
我諗你都唔會覺得自己參與其中好有癮

重申，係人既問題，唔係聖經既教導有問題。

拿，呢Ｄ就真係疑似騎劫啦（笑）
其實我認同聖經，認同耶穌既教誨
但係就係認同唔到呢班騎劫道理既陀地者

都係個句，個別人等問題，並不等於信耶穌的人的問題

唔係侮辱教會
我覺得教會有時會令一堆戴假面具o既人理所當然地講出佢有幾假
以為身不自己,但最終都係會再犯

其實教會可以同講男女平等的港女一樣
有利益或怕受傷時就帶出自己信徒身份
但係教規又唔遵守

我見識過呢D人

當你接觸開保險/傳銷的人
就會發現當中有不少"教友"

我唔信教,亦好少返教會
但係教友果種熱情亦唔係人人頂得順

但又其實...只要你唔好咁執著
其實你會發現教會好多人真心想你好

以機率黎計...應該會比係公司搵易lo

所以我係話教會,唔係話宗教本身...教會本身已經用佢地自己既價值觀去解釋宗教....同宗教本身冇關係...

我唔否認
有心人係絕對存在
但有d人係"有心", 有心搵笨

保險/傳銷本身其實都不是唔好既野....不過在於人怎樣去演繹

點解唔試下返另一個教會?
返左一個教會成世都要返果個?
人享唔同階段有唔同的朋友
同呢一d人做朋友
搵到搵到適合的朋友為止

其實我自己都可能係你地講呢種人
所以我問心, 自己唔會自稱係虔誠的信徒
就算信左十幾年都冇受浸(其實我好想) 因為自己會覺得會令基督之名蒙羞

有d係既, 但問題係, 當你解除左自我防衞時, 佢地就會無意間出奇不意地給你狠狠的一擊
稍一不慎就就會因此倒地不起...

上述正是我的寫照

講明笑, 就擺明攪爛gag啦
但以過往既經驗, 一講宗教, 就會有好多人藉機騎劫, 繼而罵戰, 所以我出post會好小心, 希望可以用最輕鬆既手法避免這種情況

如有得罪, 望諒

咁你就慘d...至少我信徒既生活群體冇d咁既人係度... (希望)

確實係架... 不過如果真係一個有基礎聖經知識既基督徒
就會知道教會係 神的殿, 不可以藉此地方做俗世買賣, 因為這是褻瀆的行為

e.g. 我有個新返黎既肢體(f)佢都係做保險, 不過就冇乜點係我地度拉客
仲好誠心聽道添@@

最初, 我會覺得, 教會, 團契 = 一家人
有乜事都可以一齊撐
況且我認為每個相遇都總有安排
放得係呢個地方就會有一個原因係度

而且轉去其他地方, 可能根本問題仍然存在
去到邊, 結果可能都係一樣?
冇人知

不過你當人一家人, 人地又會點睇?
人地既一家人同你既一家人既定義又係點?
冇人知
直到有一日, 你會發覺, 你係度不單只對自己生命冇長進
甚至個舊怨毒更日益增長既時候
可以點做?

所以, 藍妹妳講既野, 正正係我最近係腦海一念閃過既念頭
不過, 十四年..... 真係有感情, 要我走, 真係心如刀割
如果有日我有個咁既決定, 就真係因為我忍無可忍
唔想攬炒個陣先會咁做...

我唔慘喎
都搵唔到我笨到轉就差唔多

搵唔到人笨個個慘？

兩睇啦\/

結果係唔係一樣，無人知，但唔試過亦係唔會知；
如果你係度又會覺得對自己生命無長進、
但又因為「無人知」而叫自己對其他地方卻步，咁唔係你「可以點做」，
而係自己set 左個罩叫自己有藉口唔去做?
要離開一個身處左好耐o既地方，一定會有唔好o既情緒發生，
但係咪真係要睇得咁嚴重、離開就係以後唔再見面?
真係真正親近o既關係，係唔一定要o係某一處地方先可以發生，
唔返呢個教會，唔等於裡面o既人從此唔再係朋友、弟兄嘛

諗起杯葛...我前幾天就發覺到
原來我比班由細玩到大既朋友杯葛左

而家就真係對身邊任何朋友都唔想太熟悉...
好驚再次發生d咁既事

天下無不散之筵席...生離或者死別...這是必然的
不可能因為你幾愛一個人而可以逃過
不可以因為怕被傷害 就不去愛人 這是本末倒置的做法
簡單而言就是:
因為怕狗會死而不去養狗..怕被戀人會出賣而不去愛人...怕被朋友捨棄而不交朋友嗎?
這種消極的人生態度是不可取的

如果彼此視大家為至好..那麼這種恩怨是總會化解的(當然是靠大家爭取)
若果大家都沒這意願..也不用為這種一箱情願去勉強。

朋友可能會有所親疏,也有可能有所增減。
正確地面對身邊人而不是封閉自己才是正確的方向。

不遭人嫉是庸才

回樓主:

基本上會比人杯葛有好大誘因係樓主ge性格促成
樓主會覺得同人相處困難原因都差唔多
但如果因為以上問題而打算與世隔絕只係斬腳趾避沙蟲
我諗樓主其實係想有多d人關心自己吧

基本上耶教教會有好多都係歪曲耶教教義的偽教會
建議樓主嘗試参加其他教會試試

我正是庸材呢

我話你咩醒唔切，庸才 XD