引用:
作者: GOGamer
你可以試下留save 洗game，然後係內容儲存庫中先下載DLC，然後Cut internet，再裝Game睇下。第一次開可能認唔倒DLC，如果幾次都認唔到就無，另外save亦有可能唔認，一係重玩一係更新。
我覺得呢隻Game唔係受害者，你以及個D真金白銀買呢隻Game既玩家先係真正既受害者，畢竟呢隻閹割Game係你地比原價全費買，生產發行商一個仙都唔會少，最摻就係廣告話有，但係買左之後一個名為更新既閹割左遊戲內容，你地就鋤佢唔入，到時Game又唔好玩又放唔到，欲哭無淚。
|
多謝建議，會搵時間試下
不過真係俾這件事搞到無咩興致再玩隻ＧＡＭＥ，激鬼氣我寧願重玩一次ＰＳＶ日版第一集好過。唔係話貪圖個幾張清涼圖片，正如樓上有版友講，要玩Ｈ ＧＡＭＥ都不會在ＰＳ４玩啦。只係覺得ＳＯＮＹ一個政策就可以改變隻ＧＡＭＥ，就感到作為消費者好無保障。舉個極端例子，假如日後歐美槍擊案嚴重，ＳＯＮＹ要禁制遊戲內出現槍械，然後一個更新就將所有ＦＰＳ的槍變哂做桐子用的光劍，咁隻ＧＡＭＥ仲係我買返來個隻嗎？
我覺得若隻ＧＡＭＥ係賣去歐美，咁遵守當地文化和法規做改動係無可厚非，但而家一刀切，連唔關事的地方都要硬食同一標準，我就覺得好唔合理囉
