曼聯高層投降 奪冠等多3年
曼聯對上一次奪得英超錦標要數到2012至13年,呢幾年浮浮沉沉,最叻係前季得英超亞軍,但作為英超史上奪冠最多球會,高層同球迷當然唔收貨,大家都好心急捧盃,但原來會方對此已經投降;英國《每日郵報》報道,曼聯高層最近制定一項3年計劃,現時重建球隊,想捧盃要再等多3年。
報道指,是項計劃意思係,現時係曼聯重整期,高層對於未來3年打定輸數,將會畀足機會蘇斯克查做嘢,包括曼聯CEO伍德沃德,以及格拉沙家族都會全力支持蘇帥,包括下放權力畀蘇斯克查去購買合適球員,但又打算招聘技術總監管理球隊。
曼聯上述計劃,其實係參照利物浦模式,讓高普長期執教球隊達致成功,所以會方已做好未來3年陪跑嘅心理準備,重返爭標行列要等到2022年先得。