[歌絲˙暮斯]

事情發展到咁, 都唔知點算.

重新覆述一次事件…..

返工頭幾日就大病, 病到入醫兩日. 之後我考牌兼調職, 經濟同精神都有壓力, 但錢都盡力俾佢.
出院後返工, 中間有見過面, 探過佢放 lunch 幾次, 但始終錢有限, 唔係我陪佢食 lunch 的話, 佢就只有生果同小食補充體力, 可以想像到咁狀況下做一份六日既餐廳工係好辛苦, 仲要至少一個鐘車程.

月尾一日未出糧問我買化妝品, 無錢, 開始嬲.
其實當時仲未大爆發, 係佢開始唔聽電話同唔多回 watsapp. 我開始懷疑佢, 亂諗, 唔知想點, so 我問佢係咪想分手 ? 有第二個 ? 想斷絕關係 ? etc

佢亦開始諗我地唔夾既野, 分手就係咁樣而起.

原本想心平氣和咁攤牌, 但唔得, 見面時亦控制唔到情緒, 只係做左電話改名既手續, 一路搞一路鬧, 我地根本講唔到野. 當時亦無任何期望, 我無喊, 佢反而好嬲, 只係俾左原本買俾佢作為努力返工既禮物佢, 同埋一封信.

最近, 佢 fb 寫一句, 好驚好恐懼, 神經過敏之類既話.

諗起, 有次我地鬧分手, 鬧到佢要來我家樓下交換各自既野, 我想佢冷靜一下, 無聯絡佢兩三個星期. 呢段時間, 佢係 fb 寫左句, 受驚過度, 出疹中之類既話. 我當時唔知係乜野事, 無理. 事後佢話我知, 當時係好驚真係無左我, 自己係度亂諗, 控制唔到情緒就身體出事.

SO 我見到佢呢句, 就等左一陣, 問有無事, 有邊度唔舒服. 佢即刻答無事, 只係過敏, 唔好擔心.

我唔知好無再嘗試聯絡佢, 已經約緊其他人, 唉, 好那煩