[Super Bus]

話我做事後孔明都係咁講啦,
其實何志平呢單野有呢個判決已經係意料之內,
大佬人地美國控方有哂證據挫你,
仲要加多個加迪奧做污點證人出庭指證佢,
辯方有乜野可以反擊呀?? 拎果啲唔啦更嘅肥平演講片段,
我都不禁要問: 你到底想點呢? 想證明啲乜野呢??
未開庭個結果已經係一面倒, 肥平根本已經走唔甩,
就好似一場 Boxing, 你喺 Round 1 仲未出拳已經比對手幾拳 KO 左你啦!!
就算出到成步堂龍一幫佢做辯護, 咁嘅局面亦只有陪肥平捱打嘅份兒,
"異議あリ" 都冇 Chance 講, 休想有得逆轉!

今次單案對土共嘅一帶一路大計有冇影響我唔敢講,
但係或多或少都有殺雞儆猴之意,
等大家清楚睇到一帶一路陰暗嘅真面目,
想氹人加入一帶一路? 人地一定 Say no!
而且貪污賄賂係中國大陸一直以來政商常用嘅手段,
一早已經遠近馳名, 唔係乜野新聞,
只係呢單案肥平就要為國捐驅犧牲做炮灰,
唔理法官判佢坐幾多年, 佢收尾果兩年睇怕都要喺監倉度過埋佢啦,
唯有睇下到時佢可唔可以申請返香港服刑,
唔洗再留喺美國監獄捱漢堡飽啦, 話時話唔知美國啲監獄有冇中餐食呢~