[肉羊哩咖]

有幾個評論翻舊賬，話當年公怖揀咗 Hugh Jackman 做 Wolferine，同用 Heath Ledger 做 Joker，你呢班 fan 屎咪又係鬼殺咁嘈，話唔掂要換人又盛，結果呢兩個都係演員同角式完美融合嘅經典，所以導演有佢嘅見識，應該畀佢試下囉，你班友唔好阿芝阿左，如果上述例子個導演真係好似呢次咁「跪低」嘅話，就未必有呢啲經典出現咁話。

嗱，本人就咁睇，一嚟好睇制作班友對原材料有幾尊重；二嚟荷里活對 ACG 真人改篇嘅前科認真麻麻，畀唔到人信心。雖然都知美漫幾鍾意「得閒」改人物設定，所以個 artistic license 可以幾大吓，但由於唔熟呢味；所以上面兩單崎史本人唔敢駁，但返去呢單嘢，除非好有充份理由要咁改法，理由仲係要入到場先知嘅，唔係就無謂嚮度阿茂整餅喇，重覆嗰句，呢個「人物」大大話話有大量 2D/3D 版任你跟，你亂嚟得太離譜就衰硬。

另一個例子係啱啱上咗嘅比超超，佢居然好突破咁「有毛」，未出之前係有反彈，但解咗畫同入場睇咗之後，又唔多覺有太多違和囉，仲可愛咗添。