盧卡古之後 車路士還有甚麼出路？還有幾多前鋒人選？
曾經無限接近既盧卡古已經確實加盟曼聯，迫使車路士不得不另外物色其他人選，同時亦顯示出藍軍高層在轉會市場上的不力。新一季季前集訓即將展開，干地原先計劃將迪亞高哥斯達放走再收購一名新前鋒，依加
如意算盤亦未必打得響，車路士還有甚麼可以做？潛在前鋒人選還有幾多？
https://s23.postimg.org/h6v2s7lu3/ph...9_08-04-06.jpg
在轉會窗還未正式開始之前已爆出干地來季放棄迪亞高哥斯達既風波，繼後亦傳出意大利人要求球隊不惜任何代價都要把盧卡古帶回藍橋。直到依加哩一刻，迪亞高哥斯達既轉會未有任何突破性既進展，而盧卡古就被曼聯正式羅致其下，價錢上亦唔係當初傳出既一億鎊，帳面上轉會費係7500萬鎊，連同附加條款就可達9000萬鎊，明顯地車路士根本未有出到愛華頓心儀既價錢，而被曼聯哩個「程咬金」搶走，繼後即使立即出價達同樣價錢，但經理人已經一心將盧卡古送到奧脫福。
先唔講盧卡古適唔適合車路士，單單係以轉會目標黎講，藍軍喺哩單收購上面完全係失敗既一方，球會本身已早早將球員定為頭號收購目標，只係一直在轉會費上進行拉鋸，依加再尋其它人選所洗既錢未必會低過哩個價。先講皇馬既莫拉達，原先西班牙人至係曼聯既前線補強首選，但雙方球會喺佢同迪基亞既轉會之間傾唔掂數，至迫使摩連奴喺美國集訓前出手搶盧卡古。
相比於愛華頓，皇馬向來都無意放售莫拉達，如果不惜重金收購佢亦存在一定風險，同時全世界都知道車路士與迪亞高哥斯達鬧翻，需要補充新前鋒，喺哩個前題底下藍軍絕對有機會比人襟住搶。
http://images.performgroup.com/di/li...ng?t=967604960
另一目標相信係意甲球會拖連奴既比洛堤，上季季中已經傳出同藍軍拉上關係，而球員合約中亦附帶一條巨額解約金，但深信車路士不會直接啟動當中條款，而且比洛堤既存在風險亦比起莫拉達為高，如果傾得掂平平地的話都仲可以一試；
去到後備方案就係水晶宮既賓迪基同埋史雲斯既洛蘭迪，雖然兩者都並非一線頭既巨星球員，但同時都擁有英超經驗，作一個後備人選既補充亦尚算恰當，當然哩個係最唔理想既方案，姐係迫到去轉會期完結前都無其他更好既人選，先作出哩一步行動。
去到最唔現實既兩個球員，
先講阿仙奴既山齊士，球員一直久久未同兵工廠續新合約，而曼城亦有意作出收購，喺同樣都係倫敦球會既前題下，如果車路士出手相信成功機會絕不下於藍月亮，球員實力同心理質素無容置疑，只係干地對佢興趣似乎不大；另一人選就係留任迪亞高哥斯達，要佢同干地破鏡重圓並唔係容易既事，但中超對正式收購佢既意思已經有減無增，馬體會在於轉會禁令下即使提出收購亦需先行外借到其它球會效力，與其以一個唔理想既價錢賣走不如留佢落黎仲化算。
雖然轉會窗只係開左一星期多啲，亦有充足既時間比車路士重新物色人選，但希望被人攔途截劫既收購唔會再次發生，無可否認令球迷更擔心無限接近同無限體測既巴卡約高同魯迪加。
有新消息再同大家交代，待續...
Fanpiece:
http://football.fanpiece.com/bluexli...feature=scroll
哥斯達個次真係牽一發動全身 唉
以上 其實我覺得邊個都ok
私心就鐘意山神
