[Kinny Riddle]

普羅米修斯雖然劇情比人鬧到體無完膚，但起碼啲角色唔係腦殘（起碼唔係咁多人一齊腦殘），而係真係比David暴走累死。

得罪講句，今次呢啲角色感覺真係想同佢講「抵死」XD

角色

無能艦長啱啱先捉到David同隻白色異形搞親子關係，然後David同佢講啲蛋蛋「非常安全」（其實呢個係咪笑位嚟架？全戲院聽完即刻大笑XD）

冇諗到佢真係咁戇居鐘個頭埋去。不過當初唔理女主角反對走去懶醒去調查呢個星球就已經預咗。

James Franco（女主角老公）一開場就領便當估佢唔到，不過佢應該係最幸運嘅。

仲諗住Walter可以同「哥哥」David鬥多一陣，咁快就比David打敗。之後David假扮成Walter基本上可以估到。

（David親吻Walter嗰吓超腐。腐女應該會好受落 ）

女主角真係慘。要入晒個pod先發覺比David跣咗一鑊，之前勇武地掙扎求生嘅努力全部白費哂。

同樣地，唔係好滿意點解Elizabeth上集咁辛苦生存落嚟，今集未開始前就已經比David請食便當。

我都係比較鍾意A1 Ripley個類熱血嘅王道恐怖片主角，嗰啲真係辛辛苦苦同啲怪物打過先生存到。家下啲恐怖片為殺而殺，冇晒以前80年代嗰份熱血。所以而家我甚少睇恐怖片就係咁解。呢套都只係因為細個有睇A1－A4，同埋呢套繼續係Ridley Scott大導演擔正先捧場。

劇情

開頭嘅太陽風暴其實會唔會係David利用Engineer嘅科技故意發放出嚟，目的就係要引任何太空船落嚟。因為佢整咗咁多Facehugger蛋蛋出嚟，唯獨欠缺任何人類宿主比Facehugger可以繁殖，萬事俱備，只欠東「風」。

A1發現咁多蛋蛋嘅飛船好明顯係Engineer飛船，點都唔會係Covenant囉。

而駕駛艙入面好明顯見到個Engineer機師屍體（即Space Jockey），但啲Engineer應該已經被David滅絕哂。同埋當時已經見唔到David蹤影。

Ridley Scott大導講過會出三部曲去接A1劇情，家下反而越接越遠。

唯有期望下集開始真係慢慢接返嚟

單獨嚟睇嘅話，評分係：6／10 － 微妙。

唯有繼續等Ridley Scott提及嘅三部曲餘下兩部拍成點先可以作總評。