|
其他嘢我唔講，因為鍾唔鍾意真係好個人意見，冇咩好討論。但係盡量就唔好話咩力量跟唔跟原著，因為喺美漫裡面，力量係冇標準冇意義的。雖然官網會有力量指數，但呢d真係笑吓就算，漫畫故事本來就係作者就是神，佢話個主角強就係強，話你弱就係弱，話你幾時聰明幾時弱智都得。好多時作者都係為劇情而編故事，即係佢為咗製造一個特定劇情，可以有權將人物能力個性偏就。然後美漫係流水式作業，呢一兩年由作者A去寫某幾本書，然後又大執位到作者B去寫。每個作者有自己風格，有d鍾意玩誇張，有d鍾意改設定改歷史。美漫閒閒地都過70年，根本佢漫畫自己都冇統一的設定。
正如好多觀眾都好有童心，好想知道邊個角色強d，漫畫更加係。所以先成日有d角色A vs 角色B，滿足吓讀者，但我就想講都係果句，作者先係最强，總之佢話邊個贏都得。Squirrel girl夠打贏Thanos，咁又點？
然後電影本身就一定要改，試問Hawkeye著到漫畫咁成身鮮紫色點搞。
由手機版發出
|
