[肉羊哩咖]

S01E07 之人鬼如何兩不分

1. 好喇今集主線係管理層做嘢，其實ＱＡ阿頭一早係佢嘅人，仲要說得？係咪點都要露一兩嘢嘅啫？

2. 下面做嘢繼續是是旦旦，唔多覺黑妓女仲識郁～好喇，管理層終於知班安卓有唔妥，個妓女可以開 Terminator 模，點知係結尾個伏線；呢個鑊好明顯係福博士容許嘅；班納被人拎嚟祭旗，當我以為係咁先喇......

3. 威廉同女主腳繼續個未知之旅，「孤男寡女」仲爆發埋大戰添（搵戲嚟做），不過好點到即止，斷估係隔籬 GoT，肯定「打到飛起」～不過，後尾又可以無喇喇同個墨西哥人分道揚鑣；咁啫係點啫？另外，都未解決到，弓箭究竟對真人有無作用嘅呢？如果真人係傷唔到嘅，洗唔洗咁慌啫？懶緊張咁。

4. 成集嘅戲肉係班納引QA 阿頭去間「鬼屋」，講到管理層想用班安卓另有企圖；去到就暗示咗班納「唔係人」（一開頭好多人估中咗）；喂，佢都睇唔到隻門，你叫佢嚟引路把鬼咩？好喇，知道好多嘢係福博士搞出嚟，包括埋女主腳都係；依照原著嘅思路去諗，同埋之前佢同班納嗡嘅嘢，福博士好明顯想「做神」；亦好有細路仔皮四，大人（管理層）要拎走佢啲「玩具」，佢都更加唔肯就範～QA 阿頭就係因為咁被 terminated 咗－－佢死咗之後，求其安個故仔去解都得，管理層無咗個內線，一時未必對付到福博士（咁班納會點呢？），同時亦暗示咗 Arnold 係點死嘅（同女主腳有關？）；Hopkins 成集你知佢係奸／變態／發神經㗎喇，但係佢個淡定樣你睇完仲驚，佢可以玩到有幾大鑊？

(更改：有更正嘅論述認為，福博士鬼屋整嗰件，就係ＱＡ頭個替身）

5. 黑人妓女條線今話短但好睇：都話可以啲安卓四圍行而無人懷疑喇，而家見班「真人」係咁廢嘅，佢唔想走就奇，咁佢可以點走，會唔會畀觀眾之Westworld究竟係點同外面連接嘅呢？

6. 班納個女下屬應該死得；而黑衣人今話無戲，咁如果黑衣人同威廉有關，咁 Teddy 同女主腳重遇可以預期

真係好多嘢想吐糟，J Nolan 寫 PoI 唔係咁一忽忽故噃，係有謎引你去追，係有啲嘢麻麻哋（好似 SAM 唔見咗之後），但奸嘅忠嘅好出，人物之間啲化學反應勁正，乜呢度咁玩嘅？