[david]

【壹週刊】fb表態？梁齊昕：君子報仇，十年未晚

正當特首梁振英一家，仍陷於機場「行李門」事件之際，一直未有表態嘅梁齊昕，今晚（4月10日）喺個人facebook帳戶更新status，「君子報仇，十年末晚」。不過，「十年未晚」疑似錯寫「未」為「末」。
齊昕嘅「君子報仇，十年末晚」言論，即時引起熱烈討論，究竟佢係為咗屋企人陷入「行李門」醜聞，而揚言報仇未晚；抑或係力撐今屆香港電影金像獎「最佳電影」得主《十年》呢？

無論如何，齊昕此番言論惹嚟大批網民喺佢fb留言，「喂，你老豆算點先？成日咁超然」、「肥彭屋企同妳屋企一樣有五個人，點解妳屋企咁唔受歡迎？」、「叫你老豆唔好再扼（呃）嬲啦，日日要俾嬲好唔得閒」、「呢條post實好快被刪，CAP圖留念先」、「暗黑女神，支持妳」、「香港勝在有你」、「有特權點報都得啦」、「十年？」、「邊位係你仇人？」

之後齊昕發再功，自爆「一世都唔會放過你哋。你哋知你地係邊個」，究竟係邊個，壹仔都想知呀。壹仔嘗試致電《十年》導演，但未有回覆。黃洋達同樣忍不住Cap圖留言說：嗯，我很期待。亦有網民話點解肥彭同梁特都係一家五口，但梁家如此不受歡迎。

有其父母必有...