唔知點解，兩日煲鬼晒，雖然幾單元，但係好好追。完全剛陽硬派（邊個話本人浄係識睇「裡拳」片㗎？）
好：動畫質感好，同埋流暢，起碼好過套星矢先，尤其係十鬼蛇進入咗狂戰士（？）狀態果陣，後面果啲商界陰謀唔係太好睇，但好在唔多阻住，尤其正式「開波」嘅進度。拳拳都肉（仲要下下打面！
），暴力得好精彩，原作睇嚟花咗好多心機研究招式，雖則好多唔係新嘢，但對戰之中撞埋一齊就好睇。出面有人評人物著墨唔夠，無計，咁鬼死多人物登場，個個唔講少少背境，下下講主角，唔出啲二線角式做個對比，會好鬼悶同空氾，但你一見十鬼蛇同山下兩個相反嘅人慢慢發展出友情，越後個味道。仲有，個 op 正，繼ST 之後，呢個 op 都冇乜飛到。
唔係咁好：有人會嫌啲路人（尤其歹角）啲造型，不過呢類漫畫係咁，本人無話唔接受，不過部份真係誇咗少少；算本人挑剔，山下點「照顧」十鬼蛇先？
留咗太多伏線，應該會有下一部。
