引用:
「港人講地」fb見蘇永康留言：唔吸毒係特別喜歡仇恨分化？
蘇永康回應網民：帳戶可能被hack咗
49歲男歌手蘇永康宣布太太懷有男丁，蘇永康談及對兒子的期望時提及：「簡單來說，我不想生一個梁天恆（編按：梁天琦/梁頌恆）及游蕙禎，我要他知道什麼叫做分莊閒，你可以反叛，但不可以做一些背祖忘宗、分裂國家事情，絕對不能，他做出這些事，我會親手懲戒他，希望為社會生一個就算無大貢獻，但起碼都不要破壞社會安寧的小朋友。」
其言論惹來網民熱議，而青年新政的梁頌恆在facebook以蘇永康《不想獨自快樂》的歌詞「我放任自負 懶理會某君不喜歡」為題回應事件，又指「雖然我無吸毒，但令媽咪終日憂心忡忡，未能與她分擔家裡的重擔，實在心中有愧」。網民解讀其言論是諷刺蘇永康曾因涉及毒品案被捕的事件。
蘇永康與梁頌恆隔空開火，網民各有看法，其中立場「愛港」及「反港獨」的網媒「Speak Out HK 港人講地」在其fb專頁貼圖，讚賞蘇永康的言論，至今已獲得逾萬人讚好，不少人稱認同蘇的言論，但亦有人指蘇的確曾經吸毒，不應追捧。
蘇永康其後更以個人fb帳戶「William Gung」回應網民留言，有網民稱「吸過毒特別愛國」，William反擊指：「咁請問唔吸毒係特別喜歡仇恨分化？」不過亦有網民認為，「你無端端將未出世既（嘅）小朋友同梁游兩人拎埋一齊講，邊個搞仇恨分化先？」。另有人稱「如果我發現個仔吸毒，一定親自打999拉佢」，William大表認同稱「做得啱，我同意到極點」。
有網民質疑蘇永康是乘機炒作，指他「撈咁多年都紅唔起，竟然借機來賣廣告，高招」，William回應指「我係紅唔起，但我生活得很好，起碼做錯事我敢認，呢招唔係人人做到，起碼有兩個人做唔倒」。另有人則讚他「藏毒都叻」，William則問「係咩，點叻法呀？可唔可以教下我？唔該」。
蘇永康回覆明報記者查詢時表示，「William Gung」的確是其個人fb帳戶，但他一向不會用作留言，亦不知有「港人講地」這個專頁，有關留言亦不是他寫的，「懷疑facebook帳戶被hack咗」。
對於有人翻舊帳指他十多年前曾吸毒，他表明「我絕對唔介意，因為我係錯過，但係錯完之後，我有承擔，有負責任去改正」。至於梁頌恆自稱沒有吸毒，蘇指「有無吸過毒佢自己先清楚」，強調自己對梁沒任何睇法，只是不支持他政治上的做法。他又稱，對於他個人言論，大家毋須如此激動，「我唔係想同人嗌交」。他又認為，香港勝在有獨立言論自由，希望大家好好珍惜。
|
即使你 fb 被 hack，重案組同商業罪案調查科係唔會為左 d 無名小卒而出動既
由手機版發出
