林柏特上車執教,情感上好滿意,但實際上幾擔憂。
報道話林柏特得到油王保證執教最少兩年,重話油王打算用一個長期教練。
我希望係真,不過唔係好信得過油王既耐性,重有管理層既手法及態度。
第一季預左差,甚至差到連後一季歐洲賽資格都無。
始終無人用,又無得買,唔可以太期望最終成績。
不過值得期望既係,林柏特點樣善用及發掘隊內年青球員。
下季出租球員回歸,淨係阿巴咸、湯武利等人已經值得期待。
若果龍虎切、奧度爾等人好返晒,咁就更加理想。
而家僅僅希望油王講得出,做得到,唔好季中又炒人。
話晒林柏特係球會傳奇,唔想搞到不歡而散。
我自己就接受到兩季無咩成績,但代價係可以換來球隊重建 + 新舊交替。
兩年順利的話,雷斯、韋利安、柏度、佐真奴都可以退位讓賢,慢慢俾年青球員坐正選。
希望成真!