[verdy_returner]

今年年初二爸爸過身。

果日朝早我重去餵佢食粥；下晝我細佬重同我講佢餵佢果陣都無問題。
直至………

果晚我同太太睇完煙花，剛剛係馬鐵落車就收到細妹電話話亞爸唔得。
於是我即刻去醫院。

我係第一個到達，果時淨係見到我亞爸好似訓左覺咁；心跳機d線只係耐唔耐至跳一下。
跟住其他屋企人到左；然後一齊喊。

其實……

我對死亡並唔係太大感覺；因為個個人終歸都會有一次。

問題係你想佢好辛苦咁生存落去(明知醫好既機會好微、好微，重要晚晚痛到訓唔到覺，食唔到野，大小便失控……)定係等佢舒舒服服咁上路；等肉體唔使受咁多痛苦。