[mkmonkey]

作者: 肉羊哩咖

中上。一心諗住入去睇打，唔係入到做戰術分析嘅話，絕對可以收貨有突。

好：
打唔洗講，一方面要型，同時又要夠刺激又要有新鮮感。呢方下面做得極為可觀，尤其開頭嗰兩場打鬥已經值回票價。最後繼續玩光影效果，呢度覺得比上一章個鏡迷宮好睇。Halle Belle 做得算唔錯，暫時咁多章最好嗰位女主角（如果呢個系列有嘅話）。

唔係咁好：
無諗過佢會講 John Wick 個身世，但斷估無人會想知，嗰度有少少悶。最後打忍者嗰度拖咗少少。有兩場真係為暴力而暴力。

另：
John Wick 殺唔殺好似好睇心情咁噃～
某條極乞人憎角式，今次竟然......
「人唔守規矩，就同禽獸無異」，但規矩訂得太死，最後都會玩死自己。

有透

一心以為最乞人憎嗰件—判官（？），會好爽快咁去死，但居然無事。
Halle Belle 好似打 R-Type 咁，放啲子機（狼狗）出去打一輪收返又得。
有時做細嘅好唔抵，上面衰咗唔洗死，反而下面班友受晒。
如果條判官真係咁把炮，有支精銳部隊嘅，咁唔洗請班忍者，亦至少跟手都有啲打雜，出去兇吓班唔聽話嘅大少幫會，唔洗打一大餐，先罰到人。
最後班「裝甲部隊」幾正，John Wick 專打關節位呢度好嘢，佢哋啲避彈衣好似只係頂到 9mm，自動步槍嘅 7.56mm 子彈好似頂唔到，個夾萬入面咞多自動步槍，唔派多啲出去？
成部戲若果有用手榴彈嘅話，應該好快完～
今章係講畀人趕到入絕路，究竟屈服換條命好啲吖？定係接受代價做返個自由人？

SPOILER

裝甲部隊好正 +1

不過就算用到步槍都好似殺唔死，但至少打得停。
有一幕見到一堆二打六用 9mm 打裝甲部隊時，打到噹噹聲班裝甲人仲施施然換匣，然後反殺，
就知道除左主角枝 9mm 可以連扣時勉強打得停 d 裝甲人，要殺都係近乎玩 0 距離射擊。

仲有就係明知人地升左級，一早就搬定 d 強力架撐出去啦，打完一輪又縮返入去換槍，
黑人你咁大整古 ...

其實呢一幕算唔算致敬緊押井守套《人狼》？不過今次主角係弱勢o個邊