引用:
作者: RPG之鬼
11月去完江之島+鐮倉
7:30係新宿坐小田急，果日有靚女挨埋黎訓覺，所以不知不覺直坐9:00左右到片瀨江之島，食完龍蝦包入島
行行企企去海邊，GOOD VIEW。入埋岩洞(其實冇嘢睇，裡面有嚇細路既神龍，果度會播聲音，剛好果日有個3-4歲女童嚇到唔敢行去  )，有女伴可以去埋戀人鐘度搞鐘，GOOD FEEL。1:30走人時發現經已黃昏!?
行到江之電都2點鐘。坐頭卡睇風景，有時間去入樽聖地拍幾張，去到鎌倉都過咗2:30。
小町通好多人，但成條街冇垃圾桶好麻煩，最近都要走去車站商場先有。
去到鶴岡八幡宮都差不多3:30，入口好大，但裡面好似唔係好多野，可能撞正753，所以好多正太同蘿莉。
回程直坐江之電回去就可以，段估都唔會咁得閒走去片瀨江之島吧。
順帶一提，據說鶴岡八幡宮的結綠、安產等御守好有名……據說啦
所以下次有機會去只會去鎌倉或江之島一處就算，兩處行晒簡直攞命 |
其實鐮倉幾年前已經去過好多次, 因為住果附近, 得閒就去小町通當買零食
鐮倉高校前同SCHOOL DAYS誠哥比人捅果個沙灘都有去過, 所以成日覺得鐮倉一陣就行完
但江之島真係未去過, 估唔到夠玩半日
咁睇真係江之島+鐮倉一日夠晒
