前線科技人員
特朗普出手禁止美國技術出口到華為，任正非聲稱「冇乜影響」，因為所有晶片華為都可以自行研發，作業系統又有 plan B，云云。強國水軍跟住一窩蜂抄作，吹捧到華為嘅技術天上有地下無，打飛機打到上火星，一班廢老睇到飄飄然。可憐嘅係本地傳媒記者好多時對科技一竅不通，好多時都將啲飛機文照單全抄，實在有需要寫返篇文消毒一下，以正視聽。
問：美國出手對付華為，係唔係因為華為技術領先全球？
答：唔係。美國出手對付華為，最根本原因係認定華為同解放軍關係密切，任正非只係掛名老闆，真正嘅老闆係習近平。當然不排除要報復華為早年違反伊朗禁令，但從國安而言，如果美國政府內部用華為嘅網路系統，將來兩國交惡的話，解放軍有方法透過後門攔截通訊，甚至乎簡單啲，中斷網絡，都已經足以將美國置諸死地。美國要禁止國內或者佢嘅盟友用華為裝置，實在係理所當然。
問：但任正非話：「5G技術，別人兩三年肯定追不上華為」喎？
答：放屁。相對於製訂 3G 或者 4G 技術時中國公司只係局外人，華為今日喺 5G 標準嘅話語權當然高得多。但咁都只能夠話華為係「其中一個」重要的參與者，絕對唔係話晒事。參與 5G 標準制定嘅主要公司仲有 Qualcomm/Broadcom/Intel/Nokia/Ericsson/Samsung/LG 等等，講到超越全世界兩三年，就真係笑大人個口。
問：但有數據指華為申請的 5G 專利數量世界第一喎？
答：笑話。從來數量都不等於質量，通訊技術嘅核心專利一直都掌握係外國公司手上。中國呢，做假就公認係世界第一，當中包括埋製造假專利，詳情可以參考以下呢篇：
China Claims More Patents Than Any Country—Most Are Worthless
https://www.bloomberg.com/news/artic...-are-worthless
問：好喇，即使我相信美國打壓華為嘅電訊商設備業務係出於安全考慮，咁打壓佢嘅電話業務呢？呢個仲唔係貿易戰嘅商業考慮？
答：唔係。電話同電訊設備都一樣係安全隱患。舉個例，如果電話軟件本身有後門，無論你所用嘅通訊軟件有幾安全都好，你嘅對話都係無所遁形。況且好多時後門唔駛專登置入，寫軟件時亂七八糟已經夠死。呢個正係英國情報機關 GCHQ 審核完華為之後嘅結論：
https://www.scmp.com/news/world/euro...hoddy-suggests
問：但華為做電話嘅技術係唔係就嚟勁過 Apple 先？
答：On9。除咗 Apple 係軟硬體垂直式控制晒每一個重要環節之外，其他牌子嘅電話生產商實際上只係做設計同銷售。
當今一部電話重要嘅部件，領先嘅生產商如下：CPU 設計係 Qualcomm，CPU 核心係 ARM，Modem 係 Qualcomm/Broadcom/Qorvo，OLED 屏幕係 Samsung/LG，玻璃係 Corning，Memory 係 Micron/Samsung/SK Hynix，相機 CMOS 係 Sony，軟件係 Google，晶片生產係台積電，電話組裝係富士康。其他中國牌子例如小米，Oppo，Vivo 個啲，技術含量少之又少。華為比佢地好算係少少，因為佢下面有 HiSilcon 設計 CPU 同 Modem 等零件，但專利技術始終都係外國公司手上。華為電話近年賣得好，最主要係成功嘅銷售策略而非技術，除咗賣得平之外，佢係幾年前開始重視相機，尤其是係同 Leica 嘅合作，令佢地係歐洲知名度大增。
問：無得同 Google 合作，華為自己嘅 OS 可唔可以取代 Android？
答：發夢。首先講清楚一樣嘢，從過住幾十年嘅經驗，當一間中國公司表示自己「自行研發」乜乜乜，十居其九，佢嘅意思其實係「我偷咗一樣嘢，改咗個名，改頭換面，就當係自己」。華為都唔例外，佢地本身都係靠抄 Cisco 起家。Android 本身係 Open Source 系統，叫 AOSP，每個人都可以拎嚟用。華為所謂嘅自家系統，九成都係拎個 AOSP 改頭換面。但有 AOSP 都好，用唔到 Google 嘅程式（Google Mobile Services），喺中國就冇問題（因為本身就已經 Block 咗 Google），但係其他國家就唔會有人買。如果華為所謂嘅自家系統唔係 AOSP，咁仲驚，依家 Android/IOS Duopoly 大局已定，你要數以百萬計嘅程式重新寫比新系統？根本冇可能發生。
再詳細啲，可以參考呢篇：
Huawei’s Android and Windows alternatives are destined for failure
https://www.theverge.com/2019/5/23/1...e-us-editorial
無可否認，華為喺世界上嘅科技舞台確實稱得上係一間有實力嘅公司，但如果講到話佢獨步天下，每粒晶片都可以自行生產，OS 可以自己寫，完全唔需要靠外國公司都可以成功，sor9ly，真係發夢都未有咁早囉。
由手機版發出
