[肉羊哩咖]

高達鐵孤04魚生: (好耐未有套動畫（連對白唔多知噏乜都）可以咁多嘢寫 )
1. 一如所料，今話無戰鬥
2. 上回大叔部機都係被回收做配件，估會將無用嘅拆咗去賣
3. 監察官唔係蠢，司令官大人今次大鑊
4. 肚腩叔好似後悔，想玩二五
5. 結果會上去宇宙，不過原來用質量加速器（mass driver）去做行星間旅行
6. 大少姐個金主原來係個月巴大叔
7. 三日月對大少姐態度係變好咗好多
8. 監察大官們辛苦喇，要親自深入敵陣了解 (付火星獨立運動簡史)
9. 日本人乜你唔知世界絕大部份車都係左軚嘅咩？！乜你咁有信心未來全世界都跟咗你嗰套？
10. 三日月同大小姐洗唔洗咁浪漫呀？！（漫天飛葉）
11. 小妹妹，三日月可能係嘟奴嚟，加油！
12. 三日月用慣右手，隻左手都居然咁好力！
13. 三日月真係好直線型，望都唔望就出手，部車好明顯有號角軍個嘜頭
14. 監察官少校大人果然有手段，非常得體(睇嚟佢好鍾意食糖?)；佢千祈唔好走去做「無事做」，去做薩爾斯特校喇～
15. 成日懷疑肥仔個背都應該有個人機介面
16. 火星應該有兩粒月亮，但未出現過，其中一粒可能做咗宇宙港
17. 澳加隻左膞中過鎗, 而家變咗咁大塊疤痕(定係植皮?)
後記：繼第二話有大少姐詳細背景文字，今次有火星獨立運動簡史（都係用英文寫），又一次證明製作群真係好有心機