溫馨提示 － 如何避開劇透
呢套電影嘅保密工夫可以話係電影史史無前例，猶於軍事機密般，未去到執行作戰前都唔會披露。
目前除咗兩位導演同編劇外，就只有少數演員，如RDJ，Doctor Strange嘅Benedict Cumberbatch等先有機會讀晒成本劇本。其他演員只係知道佢哋各自場面嘅故事，但就唔知其他地方發生乜事。
「劇透王」蜘蛛仔Tom Holland直頭係被禁止接觸劇本半步
導演Russo兄弟已經講明今集會係超展開兼有人會食硬便當，所以劇透嘅嚴重性有如當年星球大戰黑武士同Luke講「I Am Your Father」般震撼。
導演同RDJ等已經呼籲MCU迷盡量唔好劇透，就算要討論亦請只喺自己討論串到討論並加tag。
當然，喺「人性本惡」嘅大前提下，以MCU嘅普及程度，劇透始終會嚟。無論係無心之失，抑或部分人惡意搗亂都一樣。
但只要做好以下防範措施，劇透根本上唔到身：
在此呼籲各位唔希望被劇透雷到嘅朋友：請由聽日美國洛杉磯首映禮（香港時間4月24日星期二早上）開始直至閣下睇完電影離開戲院前果一刻，盡量避免上網。或至少避免社交媒體同各大討論區。 
同埋如果你非得上嗰啲大型討論區或臉書，千祈千祈千祈唔好回應任何私人訊息。當年哈利波特第六集小說出版時，好多人就係咁樣比呢啲惡意劇透私人訊息中伏，死傷慘重。
你如果話「無得上網好悶喎」，咁仲有Netflix同大把漫畫同書你可以睇架。如果話你喺街度嘅話，而家興電子書籍，你可以DL輕小說或漫畫嚟消遣下時間架。
另外，都係一如以往，請大家喺呢度討論劇情時，喺香港時間4月25日（星期三）上映後嘅一星期内記得使用Spoiler Tag
