[knight-philip]

作者: Fean

首先要搞清楚，何謂「矯情」左膠？
「矯情」即係「做作」、「不自然」嘅意思。
所謂「矯情」左膠，應該係泛指一啲喜歡空談社會主義、左傾理想；實際上係附庸風雅、無所作為嘅「做作」左翼份子。
如果咁睇，朱凱迪絕對唔係「矯情」，因為佢嘅行為一直貫徹緊佢提倡嘅理念。
我反覺得佢先係最「實事求事」、最「在地」。

朱凱迪做左好多地區工作，而且係身體力行去做。
好似早幾日米埔隴村沙山單野，有村民主動向朱凱迪求助；因為選緊有知名度，引起傳媒報導，恆基見勢色唔對即刻拿拿聲去清左座沙山。
由此可以見到朱凱迪地區工作真係有所作為，亦同居民建立左一個互信嘅關係。
之前仲因為偷泥頭山啲泥去政總抗爭，因而被捕。

抗爭有好多路線，朱凱迪係其中一種。你可以唔認同佢嘅政治觀點，但用到「憎」同「扮抗爭」呢啲字眼，有冇覺得過火得濟？

現在的議會,一切政綱都是徒然
因為根本就不會有牙力

作者: kev00269270

如果只計地區工作,方國珊同朱凱迪應該係做得最好既兩個
問題係佢地是否適合入垃圾會
可惜佢兩個都唔係我果區

就是這樣啦

就似譚香文我都覺得佢地區有做到野
問題唔係咁就適合入立會
就似識砌機唔一定就會識寫programme一樣