引用:
史健仁 19 hrs ·
【自瀆之城】
港鐵香港站展出故官廣告後，隨即有香港人到場貼上坦克車圖示，又展示「平反六四」標語，仲有黃傘及真普選，估計借題發揮式嘅展示，將會陸逐有來。我笑點比較低，我見到咁嘅情況，忍唔住笑咗出嚟。
由故宮太和殿行去人民英雄紀念碑，坐底要十至十五分鐘，兩個地方根本就唔係同一個地點。事實上，天安屠城事件亦根本同故宮完全無任何關係。「咁兩個地點都係北京城裡面姐，咁可唔可以一樣平反六四先？」可以，你有你嘅自由，反正我有時係日本城打個白鴿轉，我都同自己講，自己係行緊東京商場嘅超市。
故宮係明清兩代皇帝嘅住所，係400-500年前嘅事，如果你著到成個韋小寶咁，係故宮廣告面前高呼「反清復明」，都尚算合理，但係故宮廣告前展示「平反六四」及「我要真普選」標語，仲舉住黃傘，究竟係乜嘢玩法？天安屠城事件係接近30年前係北京發生嘅事，佔領運動係2年前係香港發生嘅事，你向乾隆追究屠城責任，與及向康熙爭取真普選，佢哋識條鐵呀？梁振英貪咗UGL 5千萬，係咪要到英國向戴卓爾夫人嘅後人算帳先合理？
之但係咁，自瀆呢家嘢，如果進行咗廿幾年，早變成生活習慣嘅話，又真係幾難戒嘅。呢啲嘢男人都會明，所以我都係隨便吹兩句水，香港人，enjoy yourself。
|
起黃世澤 blog 建議同西九故宮玩膠之前, 我既印象同概念其實都已經覺得北京故宮同六四有若干關聯.
我起 fb 都有問係咪爭左幅毛澤東像
講真, 唔愛國既香港人, 根本都無興趣考究六四/天安門/北京城/明清兩代皇帝/紫禁城等等既關係.
唔理左膠右膠熱狗支聯會青關會, 拖得冧佢就係好膠.
引用:
膠觀點：如何令 故宮 project一夜收皮
故宮 project如何令其收皮，都唔容易，正所謂林鄭月娥肯賣港，北京肯受，咁可以點。只不過，康文署喺港鐵香港站嘅 故宮 廣告，竟然學每年維園六四燭光集會咁，將天安門重現眼前，就令 故宮 project收皮充滿希望。
喺呢件事度，我們需要本土派或獨派認為佢地無乜用嘅支聯會，支聯會可以借 故宮 廣告嘅東風，大搞六四紀念宣傳，咁點玩呢？
1. 搵班友學Watershed Hong Kong咁，一班友著解放軍裝扮戒嚴部隊行嚟行去，一班友扮北京學生，大叫我媽媽我餓了，請用華語。
2. 猛播血染的風采之類歌曲，不時有機關槍聲
3. 搵人揸住架紙製坦克，係咁走嚟走去，跟住有學生，瞓咗喺地下
4. 喺繁忙時間表演
最重要係一樣嘢：一旦 故宮 博物院建好，支聯會每年六四集會，將會移師 故宮 博物院門口舉行，令香港參與集會人士，能夠感受番1989年大屠殺嘅現場。
以契丹拒絕找1989年大屠殺條數嘅表現，我恐怕當北京知道支聯會會喺 故宮 博物院門口，年年舉行六四集會，相信立即走夾唔抖，宣布放棄計劃。
故宮 門口就係天安門廣場，所以呢次 林鄭月娥 擦鞋擦出火，如果支聯會敢玩，我可以講，佢地攞番過去幾年失去嘅分數有突。
|
