觀看日期:2009年12月11日
觀看地點:旺角百老匯4號院
觀看電影:ヱヴァンゲリヲン 新劇場版：破
個人評分:10/10
我係旺角百老匯4號院睇的對呢間影院勁不滿,
首先4號院係位於最高層的位置,係扶手電梯都唔到要行上多一層的,
洗手間又要行落一層先有。
影院外頭仍在裝修中,睇片頭廣告時重聽到鑽牆聲…
終於有女觀眾忍唔住向職員反映,慶幸關上門後就已經無晒外頭的噪音,
但播放期間居然有體感"Force Feedback"功能唔係來自音響的,
係附近有類似打樁的工程進行中…
座位的佈置亦很差,地台係幾乎無高低差的設計,即係好易會比前排的人阻擋視線,
我本來買C排(即最後3行的位置),結果因為視點太差開場後自己換位到F排的空出的"情侶座"位置先可以享受下睇電影應有的質素,慶幸銀幕同音效的質數唔太差(可能因為係新的),
當然散場後要由10/F行落G/F又係另一個不滿位,下次貪方便都係去返近火車站間旺角GH睇算…
正題(不含劇透)
我忍住去睇之前盡量唔上網睇相關資料,
正式睇的時候覺得有好大的驚喜,因為上集"序"只係接近重製舊作改動不算大,
但係今次的內容大改,直頭覺得係平衡世界咁,
角色的性格有微妙的改變,世界觀更完整。
今次多咗好多首歌咁,
歌+3角關係,幾乎以為睇緊MACROSS了…
套片有大量廣告…
除某機外,全部使徙的造型同動作我都覺得好可愛。
另外套片多咗笑點,全院笑得好開心。
其他: (含劇透
)
OPENING大量英語,以為入錯院睇西片
5號機咁豆腐渣工程FEEL
一開場果隻使徙等於舊作的雙子使徙?!(雙十子爆炸)
阿當變咗鎖匙?!
2號機識飛定滑翔…
個時鐘使徙應該會商品化成為座枱鐘吧?
2號機其實係buster machine?!不停buster kick
海洋館消毒果段笑咗…
其實綾波麗係咪唔食得人的嘢,感覺上佢飲完真嗣碗湯就入咗廠幾日維修咁
真希波係非法入境者
空中炸彈使徙外殼似以前吸咗初號機果隻
料理決戰方面,膠布多就已經羸咗
可惜一家團聚的情景不能實現了。
3號機改由明日香開動好意外,
鈴原冬二妹妹登場重意外…
3號機使徙化後變咗蜘蛛?!多對手的。
dummy system變成實體化有對手操作個駕駛艙好有趣。
明日香今次唔單只精神被污染,肉體都被入侵了吧?!
最後真希波開2號機的表現好似麻麻,
開埋獸化都係比分屍,睇嚟係因為同步率唔高先無斷手斷腳,
但佢同真嗣再相遇情節都變得怪怪的…
真希波同真嗣隻眼都著燈了,係螺旋眼、爆種眼?目前有無普及的叫法?
結局來得有點突然,字幕後的片段都只另人更想睇下一集…
