[wai128]

作者: joeyu1201

SO2, SO3, VP1, VP2 都有玩過
SO3 主要問題o係個故事度, 感覺同 star ocean 無咩關係, 尤其係後尾玩 martix 真係好爆. 不過戰鬥系統就真係唔錯, 哩個亦係我玩 SO 系列既原因, 扣盡 MP 會死亡都幾創新, 同埋出魔法時戰鬥唔會停止哩點都做得好好, 令戰鬥流暢度無減低

VP2 問題都係故事同主題唔夾, 主題係 Valkyrie Profile 2: Silmeria, 但實情係講皇女, Silmeria 戲份極少, Arly 既戲份都多過佢. 複製英靈更加唔使講, 英靈既存在只係為左比人食. Rune 系統其實都唔係話好複雜, 而且遊戲裏面都有寫 d 技能要咩 rune 先砌到, 不過人人都係學o個 d 技能顯得無咩特別, 如果唔同性質既英靈可以學唔同既技能就好 d, 主要角色有 d 專用技能更好. 可以爆敵人 parts 都幾好玩, 一來有時為左要拎 rune 部件要集中打爆敵人某個部份, 要諗下點攻擊同 d 攻擊技要點砌, 而且打到隻敵人散哂感覺上好爽 . o係迷宮裏面要用光晶解迷都好好玩, 好創新, 尤其係隱藏迷宮要拎 d 寶箱真係要計下 d 反射角先拎到

所以睇下你點睇 SO 同 VP, 要插故事真係可以插到隻game 一文不值, 但係無可否認o係戰鬥系統方面係有大作既水準

日本那邊都許多話tri-ACE出 D Game 故事唔得，但問題是怎樣的故事才叫做得「好」?
我覺得除了SO3之外，RS和VP2的故事也不錯...