Games Animation Forum

查看單個文章
舊 08-31-04, 05:48 PM   #8
snowman
┌───────┐
Ben 10
 
註冊日期: Jun 2002
文章: 12,558
旺角新之城gamezone



引用:
今次同大家介紹旺角新之城gamezone(簡稱新之城), 於旺角地鐵站D2出口, 一出就係, 非常方便
新之城又係一間新開機鋪, 於旺角新之城地庫之中, 全場禁煙, 濃煙指數低, 冷氣十分夠凍, 非常光猛

如果以旺角非吸煙機鋪場地面積o黎講, 新之城應該僅次於cyber city, 排行第二, 唔計吸煙的話, 旺角極能都大
因為新之城門口有好多貼紙相機, 而且新之城商場基本上都係賣女仔野多,
所以有好多妙齡少女落去玩, 加上禁煙乾淨, 可以話lee個場非常適合女性玩家

新之城的機普遍算平, 機種都ok, 但覺得x百合一比較多, 可以入多幾款機掉走d x百合一
機種大約有篤篤機, G1, 2部ggxx, 一部ggi已經冇o左, 變o左西遊x厄傳, 鬥魚, 一排頭文字D, svcc, slash out,
kof nw, kof系列(冇數過幾多02,03, 總之都唔少), dm10, gf11, z, zdx, world combat,
擊鼓王, WCCF, 狙擊等等... 我都唔記得咁多, 早排仲有2部 zoids, 不過而家回收o左, 仲有之前見到有zoo, 唔知而家仲有冇

睇lee d機種, 都好多元化, 而價錢方面亦比cyber city平, 我個人就覺得新之城抵玩過cyber city喇
支援方面也不錯, 我試過好多次叫場務幫手睇下d食錢壞制都好快有回應, 即場搞唔掂就陪番錢, 比你玩第d

新之城人流充足, 個個星期六日都人山人海, kof, gg, 高達都非常多人玩同多人挑機
而且當時kof nw同zoids新出時, 新之城都係第一批機鋪入, 證明lee間機鋪都係有心試新機
門口更有報告版, 講下跟住會入咩game, 而家就貼住Fighting Jam, Virtual Striker 4 同 GHOST SQUAD

神樂阪.碧克 的太鼓介紹
落到旺角想找太鼓機玩,原本只有捱貴機的Cyber City或捱大煙的好旺角及極能可供選擇.新之城GameZone的出現,無疑是讓太鼓機迷提供另一頗佳選擇.人流大,無煙,價錢比CC稍平,為$6/全難度3首,可說是集天時與人和於一身.

別眼快看漏,我可沒打「地利」一詞啊.

雖說太鼓機地處於T字路口的交界位,打鼓時背後隨時可容納十幾二十人圍觀,但因為新之城GZ地少而機多,導致通道因此被收窄,機與機之間的空位亦不足.只要身後企多幾個人,就很容易造成擠迫的壓力感,受不住的朋友要小心.

此外,機與機之間缺乏間隔亦導致音害極大,而場務似乎未有發現問題,任由音樂機巷每部機都各有各嘈.DM/GF那邊還好,但太鼓位處最嘈的擊鼓王和KM之間,當兩邊都有人在玩時,聲勢最弱的太鼓機恐怕會完全被蓋過...

2p鼓因向KM而影響較小,但1p鼓則首當其衝被擊鼓王完全擊殺,甚至要把耳朵接近貼在太鼓的喇叭裡,才可清楚聽見太鼓機播出的音樂.試問音樂亂成一片的音樂game又怎叫人去掌握節奏?

最近新之城GZ換了一部全新紀錄的新機,鼓和棍的狀態皆在中上.但若不改善音害的影響,要在那裡造出佳績還是比其他機舖難的.

最起碼,也要稍為調低擊鼓王的音量,幾個喇叭對住四周,實在太吵耳了......
必去指數:






最後更新: 31/08/2004

此篇文章於 05-11-11 02:20 PM 被 snowman 編輯。
snowman 目前離線   回覆時引用此篇文章
 

返回主題: 【香港機鋪案內】