真係盤已賣?!......
---------------------------------
前主播踢爆 亞視已賣盤？
Yahoo 娛樂圈 – 5時前
尋晚無綫前主播李燦榮，喺自己Facebook po 文寫道:「可靠消息: ATV 已經賣左，等緊審批。」，佢之後仲留言話：「呢個人姓名有木，但唔係我。」。
有網民就估係楊受成或者林建岳，因為一早已經傳楊受成叫價5億收購亞視。而林建岳爸爸林百欣當年亦擁有過亞視股權，可以話係關係密切。
有傳媒搵亞視高層葉家寶求證，佢嘅回應好玄，四個字︰未聞此事。
亞視唔止一次傳出賣盤傳聞，之前有報道話王維基試過向王征開價6億購亞視，不過王征之後出嚟開記招，話係因為錢以外嘅因素而唔賣。
更有報道指一向同英皇關係良好嘅樂易玲，當佢知道楊受成有意收購亞視，即刻自薦過檔幫手，仲會帶埋一班愛將過檔。樂易玲多名愛將好似胡杏兒、佘詩曼、黃宗澤、吳卓羲等等陸續約滿，但係佢哋都未同TVB傾好續約，可能係方便自己可以隨時帶走埋佢哋過亞視。早排林峯更加喺無需雪藏嘅情況下回復自由身。
英皇歌手一向係TVB台柱，加埋上面班小生花旦，一旦成事，無線都幾頭痕！
