頭十幾個po都係灰灰地咁...報番(2)件喜事沖喜下先......
-----------------------------------
曾經失望氣餒 最終造人成功 梁詠琪 懷孕3個半月現巨肚
星島日報 – 12時前
(綜合報道)(星島日報報道)結婚兩年多的梁詠琪（Gigi）傳出懷孕消息後，昨晚腳踏兩吋高跟鞋，首次現身公開活動並大方承認喜訊，坦言過去曾經失望、氣餒，但多得老公鼓勵，最後成功造人！
文：鍾舜英 圖：鄧國良
懷孕後首度公開現身的Gigi除了獲得現場人士祝福，在台上更獲得主角Hello Kitty的祝賀，腹大便便的她透露現時懷孕3個半月：「我媽咪都問我點解個肚咁大，估計入面應該係水，BB吸收多啲保護自己。」她指母親於這段時間為她煲好多湯水，亦有傳授心得，但Gigi笑言兩人年代已相差甚遠。問到孩子性別，Gigi稱未知道，但她和老公都希望生女，對方希望女兒可以嗲他，自己則想將飾物及手袋傳承給女兒，問到會否繼續追生時，她則謂：「太長遠啦，已經好感恩，因為懷孕唔容易，我同老公試咗兩年，有失望過、氣餒過，但老公鼓勵我，叫唔好咁緊張，大家去放假輕鬆一下。」
胃口大變 留港生B
她表示去完旅行後3星期便發現自己懷孕，早於5月份她與老公到紐約放假，問到小孩是否「美國製造」時，她笑言：「真係唔知，之前喺Eric Kwok演唱會嗰時都未知有咗，仲喺台上跳跳吓。」之後她又表示曾向愛犬透露喜訊：「我都有同我隻狗講咗我個肚入邊有嘢，唔好亂嚟！」Gigi又透露會在香港生B，因為可以有母親的照顧，她指懷孕初期時經常作嘔、無胃口，試過老公很有心機為她下廚，送到她面前卻忍不住作嘔，對老公感到抱歉，又指懷孕後口味大變，愛上喝以前不太喜歡的朱古力奶，還被同事笑小心生出來的小孩變成黑人。
網上發表懷孕感想
Gigi指懷孕至今體重只增加了7、8磅：「過程好神奇，睇書話BB已經生咗耳仔，所以成日同佢講『振作！加油！』，都有唱歌俾佢聽，老公成日貼住個肚同佢講嘢。」
問到會否考慮拍大肚寫真時，她反問是否穿衣服拍，更笑言如果要裸拍，要先問過孩子的同意。問到會否覺得同場的陳茵媺突然公開懷孕消息搶鏡時，她大方地謂：「大家都係喜歡，為佢開心。」隨後Gigi於微博發表懷孕感想，感恩上天的眷顧，給他們的家注入新生命，第一次總難免緊張和期待：「願我們的喜悅能為你帶來歡喜，繼續與愛同行，實現夢想。」
陳茵媺泄喜訊搶風頭
同樣懷孕3個半月的陳茵媺指這是計畫之內的事，因為想兩個孩子的年齡接近點，關係更親密。雖然現時未知孩子性別，但她覺得生仔生女都無所謂，最重要小孩健康。
提到於活動前有報章已獲知消息，被問到她為何每次都只向一家報館放料時，她即否認指無跟任何人透露，問到是否想搶Gigi鏡，陳茵媺一臉愕然，並恭喜對方，指這是件雙重喜事，可以一同宣布好開心。她揚言熱愛工作，不會放棄事業，但暫時先要組織好小家庭。
--------------------------------
另外...早排聽聞話唐寧都有左4個幾月......
係真的話...咁咪即係當年的天涯俠醫姊妹花而家齊齊有喜?......
