Games Animation Forum

查看單個文章
舊 05-17-19, 09:20 AM   #369
蛋撻王子
God of Gamer
功德完滿
 
註冊日期: Mar 2007
文章: 11,953
《踢而優則教 邁向成功 只差一步 - 林伯特》



如果以踢而優則教為主題,相信第一個諗起既就非施丹莫屬,不過現今球壇興起少帥效應,亦令唔少退役球員都馬上執起教鞭,而林伯特相信係今季最打得起名堂既少帥之一,喺沉晚英冠附加賽既次回合帶領打比郡反勝有「狂人」比爾沙執掌既列斯聯,進程可以話相當峰迴路轉,依加只差一步就能將球隊推上英超行列。

就算你波齡尚淺都好,「鐵人」林伯特哩個名相信你點都會聽過,亦係每一位主帥都希望擁有既球員之一,是因林伯特唔單止體能好,打法亦都非常全面,長傳、遠射、走位可以話樣樣皆精,再加上擁有智商超過一百五十既腦袋,絕對稱得上係一個用「腦」踢波既球員,現今球壇根本無可能再搵得到類似球員,所以基本上就算連過往好鐘意吹奏英人既英國當地媒體亦好少以「新林伯特」之名去稱呼一啲潛力新星。

而林伯特自退役後亦馬上開始進修有關教練課程,其間曾回歸車路士擔任U18教練,直到上年5月佢正式答應邀請出任英冠球隊打比郡主帥一職,亦隨即向車路士招手希望U18主帥摩利斯Jody Morris以及體能教練Chris Jone能夠一同協助,加上同樣退役後轉為教練既基雲等人,整個教練團隊可以話混合左實戰以及豐富執教經驗,同時喺球員人腳上林伯特亦喺開季前搵黎唔少新血作補充。

先後向車路士及利物浦借入蒙特以及哈利威爾遜,為球隊度身訂造左一套以速度同效率見稱既進攻方程式,喺中前場注入年輕活力之餘成績亦有所交待,最終季尾以74分排第6可以參加英冠附加賽。老實說,面對住經驗老到既比爾沙其實無乜人會睇好林伯特既打比郡能夠成功晉級,加上首回合喺主場都經已落後一球,不過波始終係圓,加上林伯特係臨場調動及鼓動士氣方面得宜,最終亦成功「爆冷」反級對手,帶領球隊月尾到溫布萊爭升班最後一席,而對手將會喺有泰利做助教既阿士東維拉。

以林伯特既執教生涯既開端黎講,能夠喺第一季就帶領打比郡去到哩個高度絕對唔係容易既事,不論最終能否升班,相信結果都會令公羊以及藍軍球迷滿意。

Fanpiece - 藍獅: https://football.fanpiece.com/bluexl...-c1348102.html

LINK內或FB有D GROUP都有林伯係更衣室同佢D球員慶祝既片


__________________
馬娘
ID: 811 322 636
蛋撻王子 目前離線   回覆時引用此篇文章
 

返回主題: 車路士球迷會Vol.36 ~杜曹執教後第一場勝仗 舊將被重用及重生~