一哥割席只會令警隊士氣低落 「個個以後Hea做」
引用:
自上周三警察催淚彈、布袋彈、橡膠子彈出齊，到昨晚警務處長盧偉聰的卸膊操，任輔警超過十年的Victor(化名)，千言萬語不吐不快。不願出鏡，甚至連變聲錄音都不想的他：「近幾年，高層不嬲都只會卸落下面！嬲就梗！由傘運到而家，冇改過，一定係現場指揮官決定。 但去到用布袋、橡膠彈，作為一哥冇可能割席，責無旁貸。咁樣只會令警隊士氣更低落，咁以後Hea做囉。」在他入職的年代，警察形象仍是「保護市民，維持治安」的正義超人。惟歷經2014傘運及2019反送中條例，歷時五年的逮捕、上訴與審訊，他看着警隊氣氛改變，走入極端：「每次有遊行、佔領須警員當值，組裏就有人問：『幾時畀我出去，我出去打。』」
「有啲群組我都索性唔睇。」他說，跟2014年以前相比，這幾年警察內部的向心力強了好多，對社會與政治的看法很一致。「警隊齊心就梗嘅，但工作以外，以前人人都可有自己想法，咁至正常。近年非建制同袍10%都唔知有冇，就算有都好鵪鶉，唔敢講，聲音變得好單一。平時群組裏只談溝女食飯風月旅行，你問佢中美貿易戰佢都唔知咩事，唔理。」「佢哋個世界，到而家仲講緊14年係外國勢力，外國人畀錢學生去抗命。喺咁強烈嘅大圍環境下，真係少少異見聲音都好難存在，一定會被杯葛。」 「今次都係，我都唔明。佢哋都有下一代家嘛，淨係覺得人哋喺度搞事。好多人的想法係：我本來做日常工作就得，你搞一次我又要做多啲，梗係嬲。我明警察都年輕都有情緒，但佢哋受過訓練，又有武器在手，佢哋只係失去理智，借啲倚發洩。」何以變得一面倒？人為的，社會的，都有。輪班制已難約朋友，有啲又割席，又網絡欺凌，漸漸地只能回到同一個圈子打滾。「傘運以後，警隊傾向多recuit毅進畢業的新學員。剛入學堂的學生，都好 true 好 pure，思想易控制嘛 。」 加上5年間歷經幾年的審訊，七警、朱經緯等同袍罪成，重判夥計，輕判佔中三子、學生同議員，累積的委屈、不甘同怨氣，到2019年，彷彿等到出口。他知道內部有個審查小組，調查夥計的社交媒體，與社運較貼近，常轉載反對派言論的較難入職及紮職。因為了解情況，他的社交媒體一直都乾淨企理得很，異見朋友？留番現實見啦。
Ken(化名)做輔警，一個月當更幾次，他都叫紮了職，管條team。中環金鐘清場他不必當更或行咇，就變成普通市民，走去買物資。過去的訓練，攻擊的目的是令對方冇還擊能力。「你攻擊身體最大面積部位及四肢，問題不大。」「睇住佢兜頭打落去，話係對方郁來郁去打錯，咪呃我哋啦，學堂不是這樣教的，我哋明喎。甚至對方手無寸鐵，都逃走仆低咗，仲六、七個人撲埋去打，我真係唔明。」價值觀不同，其實裝也裝不來，多沉默還是有露餡的時候，不夠藍的他曾被杯葛。常有不如歸去之念，但是：「我是那僅有的少數，若我都走，這裏的聲音更單一。我的隊員都會被調配到深藍的隊去，我又不想。」
有宗教信仰的Peter：「我相信，神擺你喺一個位置，就有其作用。有段時間真的令人好抑鬱。還好有正職，做輔警一個月當值數天，可以平衡心情。遇佔領運動，就代替正規警察守環頭。不在現場。希望即使改變不了世界，但都不會被世界同化。」
|
咁厚道O既，其實應該用肛摘罠鬧記者O既兩個字先至貼題：SIMPLE，NAIVE。
