小弟首推yamaha Tss-10
以下係我上星期買完機之後係gamehit post既小小report~
上星期去左鴨記同旺角行左成日~而銀包就係得果二千大元~本來雄心壯志既我仲諗住可以以小搏大~點知周圍搵都搵唔到岩心水~唔係冇dts冇光纖...再唔係就貴到嚇親細路...仲有d仲離譜既.....有光纖有同軸又平又正..點知係...2.1.....wahahaaha~~當我接近絕望之際..我就走返去旺角.....係av迷朝聖地友誠商業中心.....6樓.....諗住膽粗粗走去睇下有冇平野or display品執下...點知一問之下.....竟然俾我搵到呢套yamaha tss-10...之後我問個店員...光纖分插...幾多錢?~之後佢用好奇怪既眼神望一望我...然後..佢就以雄壯既聲線..回答:yamaha呢套有兩個光纖頭架喎.....此時....我覺得.....我已經搵岩目標...再望一望價錢牌.....天呀...完全係我預算之內.......之後我再叫佢平平地加多條光纖俾我~~嘿~~
結果全套連光纖線1800埋單走人
入返正題~
結構:
yamaha tss-10係普通既5.1組合~兩前置,兩後置,一中置加subwoofer~而且仲有埋一個細細個既amp~
兩組光纖
一組紅白
試機:
我分別以ps2,xbox接駁光纖而出黎既效果比我原先想像既仲要靚~環回效果做得十分出色由於ps2只有好少數既game係support 5.1所以我就試下佢既dolby digital pro logic2既模擬效果~結果都係令人感到驚訝及滿意~聲音距離感十分強烈而且仲俾到人一種空間感,值80分
至於真正既5.1效果當然要由xbox去test~xbox既5.1聲道由於我只係用左doa3既opening去test但得出黎既臨場感係同去戲院冇乜分別(屋企細細地~算係咁架啦)值85分
至於dvd機同gc就比較麻煩因為dvd光纖頭一早壞左我只好用紅白線入~
而gc就一向只係二聲道(但有幾隻game係support dolby digital pro logic2)所以係呢個情況之下..我都勉強試下..um.....結果...就...嘿嘿~~
都叫做唔錯...起碼唔會係高不成低不就...但用返dolby digital pro logic2呢個mode..d聲音就反而失真左少少~
總結黎講~~呢套小喇叭組合~我認為值85分~~
但有少少不足既就係佢冇同軸同埋個低音弱左少少~~
同埋如果太大聲既話都會有少少拆...(開盡果隻)
以上就係小弟既小小意見~~而家就去試下點擺先可以得出最滿意既效果
