引用:
作者: aiyori
今日和幾位日本客食飯，順道問了他們，3人均表示小學男生一般都是使用「僕」的。他們分別來自東京、大阪和兵庫，包括了關東和關西，因此我相信小學男生說「僕」是一個日本全國通用的現象。
說「僕」錯的朋友，不妨問問身邊的日本人，相信很快會有一個答案。
|
好奇怪....
有公認最普偏既"私”唔用,點解硬係要用”僕"呢??
哩一點我諗極都唔明....
你出發點係日本會用到的日本語...
老實講,一般街買到既教課書,拿最出名的"大家的日本語"為例.
只要你識晒本野d內容,就已經可以同日本人溝通..
當然這只限好正統既"書面語",同好正統既"口語"..
你真係要學好地道既日本語,老實講,我係日本講左一年日文,都學唔到好多....
日本本身都有好多"潮語"..
你學得幾多?
應該話.....你想教咩潮語比人先??
高中生有一套潮語, 渋谷系又一套, 三姑六婆有一套,公司又一套,秋葉係又一套.....
那一套先叫正統/通用???
但正統既日文學左就一定係全日本通用,沒有文法比正統更通用,講到好似背書一樣,日本人一定聽得明,最多只會奇怪你講得生硬姐,但見你係外國人,講得到已經唔會怪你的了.唔會再挑你d語氣或文法奇怪.
但 相反,你教d潮語比人用,一來有機會變死語,二來我諗唔到有咩好處比教正統來得好?
再以”僕”為例...
我D 日本老師全部一致讚同係少用"僕”為好的.
”僕”的確係指自己.但一般日本人心中解釋係" 小學生男生對自己的稱呼"...
女生係一定唔會用(當然你強行拿動畫d講就無計).
公司都唔會用.
你拿來教學,又無表明說的那個人係"小學男生"..
咁我反問..萬一有網友係女生,咁學左你咁講,
跟住同日本人講野時用"僕”那到時只會鬧出笑話..
最後再強調,有一個唔會有機會用錯既"私”點解唔用呢???
哩個問題同有人叫自己母親做"媽咪"一樣...
的確用係無問題..
你試下中文作文 用"媽咪"...我係中文老師一定圈你用錯詞,會更正返正統書面語的"母親"...
你依家所講既通用語,己經算係口語既一類了...
唔識日文既人一學就係 口語.....我覺得有d未學行先學走的感覺...
還有再說生字, 我唔介意你拿日常生活見既字去教....
之不過你最好先訂立清楚自己的教學方針先好.
你究竟想教咩人學咩日文..
你想人係講到咩程度既日文.
只要目標明確,你教人關西控都無問題.
但如果你想教新手日文,但仲係以哩種教法的話,老實講,我覺得有d誤人子弟.
我會推薦佢地買本"大家的日本語"自學都唔會推薦佢地去睇你哩個教學.
前者至少我知道學識左一定係日本通用.
但你的教學用完有機會比日本人笑....點解我仲要叫人跟你學??
還有跟住"大家的日本語"學,只要明晒的話能力試就能合格.
而你過於偏向口語, 學左能力語都有機會fail....我更加諗唔到新手點解要學你那一套.
或者你倒轉,以有一定日語能力基礎的人為對像.教佢地日本常用口語,咁效果可能會好d.
對像係新手,我點都覺得你教得好唔掂.
