繼幸運星第12集之後成10年後，京阿尼（或者應該話係武本監督）又再借啲意走去畫關於Comiket嘅題材。同上次一樣，Comiket情景還原度甚高。
小野龍淚目，不過第一次參加Comiket就可以抽到成為參展組合已經算唔錯。身為新手同人組合，下次都係應該向「主流薄本」題材，開始收集吓人氣，發展成為好似瀧谷般嘅大手組合後先再出啲高深啲嘅「魔咒本」都未遲。
如果閣下有養小動物或昆蟲等做寵物，千祈唔好俾隻蘿莉龍接近佢哋，因為佢哋會被蘿莉龍當零食咁食咗落肚。
噴火龍煙花嗰幕唔知點解令人諗起「你的名字」
尤其係
見到啲「流星雨」，喺度諗會唔會好似電影嗰啲隕石咁造成巨大傷亡，例如啲民居被火燒著
