Games Animation Forum

查看單個文章
舊 03-25-15, 01:04 AM   #13
Kinny Riddle
Game Master
 
註冊日期: Jun 2006
文章: 3,454
引用:
作者: traveller 查看文章
若果早十年睇到喱段新聞, 真係會開心到痴線. 但等到今時今日, 真係無咩感覺, 但都會睇下....
記得當年每星期仆番去睇明珠台, 第一次接觸政府陰謀嘅題材, 再加上喜愛嘅外星人元素, 真係個個星期都目瞪口呆.
但到後尾幾季, 集集是Q旦旦, 求求其其, 加埋套電影真係死晒心.

當年一路有個心結諗唔明, 其實x-file當初成功係好有計算, 佢地知道大家想睇咩, 就拆開幾集留D線, 又幾集後開少少估黎釣大家癮, 佢地應該絶對有能力埋尾埋得好D, 點解最後幾季可以寫到同主線完全無關係, 完全唔好睇!? 係Chris Carter當年江郎才盡, 定係幫佢寫故仔都走晒呢...? 喱個係我當年每星期的問題...



頭五季都係喺加拿大溫哥華拍。溫哥華嘅陰沉天氣完全適合拍呢類充滿詭異陰謀氣氛嘅科幻劇。

之後David Duchovny扭計係都要搬去洛杉磯發展事業,製作組為咗就佢就全部搬晒去荷里活。

但好明顯,陽光與海灘嘅加州根本同X檔案格格不入。

另外,X檔案當初成功之處係食住90年代千禧年前嘅迷茫,互聯網嘅崛起同一般人對政府不信任嘅陰謀論嘅勢。其實好應該喺2000年左右完咗佢嘅。而有D伏線明明喺第6-7季開始收緊嘅。如莫探員個妹終於證實其實一早過咗身,同埋煙鏟班上司被外星人懟冧晒,陰謀組織理應元氣大傷,然後故事應該由呢度進入尾聲嘅,以煙剷做Last Boss嘅。

當時連David Duchovny都已經決定第7季後慢慢淡出角色。但Chris Carter唔識得見好就收,係都要拖個故仔,同埋格硬搵T1000 Robert Patrick嚟替代莫探員,越做越頹。

去到9/11後,觀眾明顯對呢類過時嘅陰謀論劇冇晒胃口(轉晒去睇Jack Bauer嘅24小時全天候反恐),Fox就決定過埋第9季後就唔再續。


題外話:神劇Breaking Bad嘅監製Vince Gilligan當年就係喺X檔案製作組度浸淫多年。

題外話2: LOST監製JJ Abrams曾經講過,以Chris Carter當年唔識得見好就收為鑑,一早決定好LOST會喺第六季完結,免得好似X檔案越做越頹。


__________________
劇透加tag呢D屬於基本常識同禮儀嘅嘢唔洗教架啦,
居然仲會有人起晒桿話人侵犯佢哋嘅「知情權」。
無任歡迎呢D強詞奪理嘅人進入我嘅黑名單。

此篇文章於 03-25-15 01:07 AM 被 Kinny Riddle 編輯。
Kinny Riddle 目前離線   回覆時引用此篇文章
 

返回主題: [美劇] 新《X檔案》有望2015夏天開拍 - 會集中收晒所有伏線