仲以為中村嘅金幣技能已經屈機啦，點知鈴子不愧為主角，擁有「主角威能」呢隻金手指，連人哋井口嘅金幣都可以攞嚟自己用。
以前由岡田嬸嬸執筆時都唔會咁樣濫用「主角威能」。
井口到最後好似都知自己罪業深重，於是甘願喺90日期限過後自動記憶喪失。喺「臨終」前陪鈴子一起辦理「身後事」，過埋最後一段快樂百合時光，然後將失憶後嘅自己寄託俾鈴子照顧。
都好會有第二季，因為仍然有太多嘢未解決。
中村雖然消失咗，但佢身體仍然存在，而且今次被同佢一樣變態嘅阿澄佔據，估計又會照辦煮碗再主辦呢啲變態殺戮遊戲。
鈴子同井口故事到此為止，清衣下季會否名正言順擔正成為真主角？
