多年嚟梅鐸呢條老狐狸都係以不斷收購世界各地報業嚟維持同擴大佢嘅傳媒帝國,所以今次居然會變賣家產實在有違梅鐸多年嘅作風。
最大原因乃同沙地阿拉伯手握實權嘅皇太子今年年中以肅貪為名清除異己有關。
狐狸董事局已經有好幾年開始不滿老梅鐸嘅獨斷獨行周圍得罪人嘅作風,而且早幾年有英國報紙嘅竊聽醜聞,董事局更加有意逼宮趕老梅鐸下台,以便解救呢場關公災難。不過由於有位沙地王子手持狐狸公司好多股權,而呢位王子又係老梅鐸嘅最大支持者,董事局多年嚟都係敢怒不敢言。
直到呢位王子喺幾個月前被沙地皇太子清算,被捕後被逼賣走狐狸公司嘅股權。狐狸董事局見到老梅鐸失去咗呢個龐大靠山,當機立斷將佢孤立,並立刻同意將電影公司賣咗比老鼠帝國,以便專心其他傳媒報業業務。
至於安排梅鐸個仔擔任老鼠帝國主席只係安撫下失勢中嘅梅鐸家族。至於小梅鐸會唔會甘於接受呢個虛銜就睇佢造化。
__________________
劇透加tag呢D屬於基本常識同禮儀嘅嘢唔洗教架啦,
居然仲會有人起晒桿話人侵犯佢哋嘅「知情權」。
無任歡迎呢D強詞奪理嘅人進入我嘅黑名單。
|