引用:
作者: LEGOCAPTOR
S5#16,
好棍法…
大叔你的五郎八卦棍係邊度學架?唐人街?
居然有W人…咁d W喪屍係?
又凶人…又扮手無縛雞之力,連係隊友面前都唔會顯露佢想隱藏的計劃,
"師奶殺手"Carl姨可以拎影后啦。
我趕住去開會…你閂門!
估唔到S1#1已經登場的角色,係S5#1出一出場之後,要到宜家先入隊?
Michonne、Sasha、Gabriel呢3個黑人角色係S5後段,真係唔知想點…好迷失。
今集一小時加長版,片尾幾場搏鬥睇到好火滾…
Maggie、Glenn是聖人嗎?
Deanna: Do it!
下季幾時再開?W人睇相是伏線?
|
摩根叔型到爆，打殘兩件廢青嗰時，直情葉問上身，睇到超High，繼箭神、黑武士，新增特殊同伴棍法僧，Rick Team近戰力大增
W軍團明顯係下半季大敵，呢班人同以往敵人唔同，識得用喪屍做兵，似乎有得同Rick Team鬥。
Carl姨直情係軍師＋間諜＋殺手混合體，單獨功能未必最強，但綜合能力係眾人之冠，穩坐Rick Team第二把交椅無誤。
黑武士其實幾得意，係編劇有心玩觀眾，前幾集寫到佢好似人格大變，突然好似想退休咁款，以往警覺性無晒，明明以前嚮州長個鎮，佢一直係最高警備心嘅人，唔通突然回塘？
今集筆鋒一轉，黑武士同Rick深情對話，先知佢根本無變過，只係想短時間內搵返做人嘅感覺，日常生活嘅感覺。暫時放低戰意，唔係因為佢相信呢個地方可以安居樂業，而係相信有咩災禍發生，Rick都搞得掂，佢可以專心休息下，做個普通村民，靜觀其變，萬一Rick需要佢，武士刀隨時可以再出鞘，村民變返黑武士，守護Rick左右，再次證明除咗箭神，黑武士係另一個100%忠於Rick嘅助手。
狙擊姐因為男友同阿哥枉死，心情極差，睇見其他人好似好開心，感覺整個氣氛就嚮度諷刺緊佢，一時生無可戀想死，情況好似半年前佔領時期，旺角示威者畀人打、界人拉，金鐘班示威者就晚晚搞海闊天空演唱會，前者見到心入面係好難平伏。
神父係耶L＋左膠代表，將道德標準放到天咁高，所有唔符合佢道德標準嘅人都應該受罰，應該要受死，包括佢自己（曾經閂門見死不救），所謂邊個殺屍就係「鬼」，應該用愛與和平感化喪屍，但係偏偏又無膽，到真係要死又會反擊殺屍，偽善到癲，現實都好多呢種人，半年前見好多，所以唔難理解。
Maggie同泡菜仔，嚮成班人入便，除咗兩個細路之外，係Keep得最多人性嘅兩個，某程度係成個Team嘅良心代表，直率無機心，敢言直諫，留意下，雖然泡菜仔唔係軍師型角色，但佢好多時提出意見，Rick都願意接受，可以話係Rick嘅良心保險箱，其實如果無咗佢兩公婆，Rick可能一早變咗另一個州長。
