[肉羊哩咖]

近日有個傳聞出咗，畀各位老細參詳一下：

當年滴住嚟買咗 Lucasfilms，但其實滴住嚟唔係擁有晒全部星戰嘅版權㗎 — 其實 Star Trek 都有呢味嘢，不過版權呢家嘢極複雜，齋講星戰呢邊；當年個買賣合約列明，當滴住嚟賣出嘅週邊（啫係最賺錢嗰樣），有舊星戰 George Lucas 原創嘅嘢，週邊嘅利潤要分啲畀返 George Lucas 本人，唔知幾多，但應該好有限，不過（！）正所謂「山大斬埋有柴」，應該幾和味吓，等 George Lucas 條友臨老都有得過世。（你咁差喎 4/5/6話呢個仇一定記住！）

當然，以滴住嚟個（臭）格，梗係肥水不流別人田，咁點先整到啲觀眾又認得同接受，而又唔洗分畀 George Lucas 先？ 一般「行規」係個設定有 25% 以上嘅分別時候，咁 TFA 同 Solo 入面架 Millennium Falcon，同紅左臂嘅 C3P0，啲嘢無啦啦改到咁就係一個例；另外係力推啲新角，將啲「老嘢」推埋一邊，好似 R2D2 嘅戲份咁，同每部殺一件舊角。附帶一句， JJ 間 Bad Robot 負責整呢啲設計出嚟，同新 Star Trek 電影一樣呢啲佢都有得分啲週邊利潤。

現實係（！）呢啲新嘢唔係太受落，傳聞中有間貨倉山積咗好多賣唔去嘅死貨，惟有求神拜佛有天災出事可以 claim 保險，又或者捐晒出去賺免稅額咁話。

聽落幾有道理但有評指出，星戰都有啲舊嘢好似 Rogue One，都係沿用返舊設定，又唔係幾通。