終於抽時間去六本木睇左，真係好耐未試過有漫畫實寫版咁如此忠於原作。
劇情
將刃衛篇同觀柳篇合二為一，但完全唔覺有任何違和感。
中段更加插劍心塊面比明良切左第一道疤痕，之後有巴稍微出場。令人期待導演會拍埋京都篇同人誅篇，三部曲一氣呵成
由於係電影既關係，冇可能cover o西所有角色既背景係預左，但非常滿意左之助同彌彥唔係係咁意比佢出場客串幾分鐘。
以佐藤健為首既角色都將佢地既角色發揮得接近原作。單係預告片見劍心講おろ就已經決定呢套片可以值得一看。
(個人認為演惠既倉井優比原作可愛好多
明明原作惠明明係個成熟既狐貍精...
)
角色
齋藤今集冇乜機會去大顯身手，原本佢就係京都篇先出場。
另外，倉紫既角色比外印取代左，但呢個外印反而係年輕化左，而且唔係同原著般玩公仔，而係刀槍雙全。同今集攝齋藤唔同，可能導演嫌倉紫D伏線麻煩過齋藤先將佢寫走。
希望續集京都篇可以見多D佢地兩個。
製作組將劍心所處既明治時代活現眼前，場面有如睇大河劇。導演大友啟史本身都係大河劇龍馬傳監督，所以唔意外。
音樂捨棄動畫個種電子音樂或故日本風，而係用比較合適古裝電影大場面既合奏，聽落相當砰湃。
