引用:
作者: 真!DC
相信今次唔永久解決以巴紛爭以色列都唔會收手喇 
由手機版發出 |
本人又唔覺可以完全根絕，單係拎近啲嘅對猶太復國主義嘅仇嚟講，基本上無可能。阿拉伯諸國 1948 年 5 月一聽到當年叫巴勒斯坦（要小心講）撻地有五成半嘅地方，劃咗畀以色列建國， 即時發爛渣聯合開拖，結果去到 1973 年「贖罪日戰爭」，唔止剩返嗰四成半幾乎土地都輸鬼埋，以色列仲一段時間控制成個西奈半島，後尾還返，仲「霸住」咗約旦河西岸，啫係帀家巴勒斯坦法塔赫派嘅根據地，同埋以前係敍利亞嘅戈蘭高地呢個戰略重地。
以色列長拳短打機乎無敵手，唔喺單靠西方支援：「蘇彝士運河危機」嗰陣都同英法，都曾經面左左，主要係學高柏雄博士話齋，當初阿拉伯人唔團結，一人吐啖口水都浸死你，唔係晨早趕鬼咗啲猶太人落海；有錢嘅唔願出手，冇錢但好鬥嘅就靠外人 — 以前係蘇聯，而家係「你明嘅」。講得「天真」啲，嗰班有錢有地有水（水源其實一直係中東各國爭奪嘅資源）嘅中東大佬們，如果人人夾啲， 啲留低嘅巴勒斯坦人就唔洗咁陰功，唔止要挨窮、困、暴力社團橫行，仲要「折墮」到幫以色列打工先有好少少嘅生活。（寫到呢度越寫越㷫）
有部份可能係班大佬（本人唔寫阿拉伯人，因為伊朗都有份，伊朗自稱係波斯人）想留住班「死士」，等佢可以「拋頭臚灑熱血」，仲可收編啲人馬做代理人戰爭（對象唔止係以色列）。唔止伊朗立明國策係「要以色列從地圖上消失」，好多阿拉伯人由細到大都被灌輸「猶太人係仇敵，唔係你死就我亡」，洗晒腦。就算聽日無咗哈密瓜（本人西瓜靠大邊吖嘛），炸唔死嘅，好快就會有第二支旗棟出嚟。
除非好似埃及同約旦咁，打到「手軟」無錢開飯無晒志氣，否則一有人願意企出嚟行，相信一定有中東大佬願意照住。
追加：明嘅，以色列有核子牙，其他嘅無，不過，而家單係要趕加沙啲人南移，歐美政府都公開有微言，玩到咁大就好難 — 除非伊朗突然痴咗。
