Pym家總算可以一家團聚,就連Thanos嘅「彈指大抽獎」都可以全家人一齊中獎。
最尾隻大隻螞蟻敲鼓雖然好笑,但從電視訊號斷線可以睇得出彈指之後嘅地球嘅混亂。
Scott可以唔洗被抽獎亦證實咗「量子空間」係同呢個宇宙有所割切。Janet亦提及呢個空間有穿越時空嘅特徵,Scott可能會喺Captain Marvel嘅90年代現身都未定。
鬼妹Ghost好可憐,搞到被逼上絕境誤入歧途,最後可以救得返太好了。神盾局當年被Hydra完全滲透,唔充分利用佢嘅能力先傻。
Laurence Fishburne嘅Foster博士(即之後嘅Goliath)對佢不離不棄亦係值得致敬。可以期望兩人成為復仇者新成員嗎?
2018年嘅MCU反派一反以往用完即棄或毫無印象嘅做法,由Killmonger到Thanos及Ghost都令觀眾同情佢哋嘅動機同處境。
笑點太多不能盡錄,但都係keep住上集嘅歡樂氣氛。最搶鏡應該都仍然係Luis。