[money]

真人版《進擊的巨人》分成上、下兩集搬上大銀幕，經上集於日本、香港均票房報捷後，北美映期更落實9月30日，同系列嘅下集《進擊的巨人2：End of the World》鐵定9月19日在港日兩地同步上映，為咗把「進擊熱潮」推至高峯，呢套新片下月會喺香港舉行全球首映禮，唔只香港粉絲比日本觀眾早一步先睹為快，就連兩位主角都會進擊香港！

《進擊的巨人》喺香港開畫首日即勇奪票房冠軍，並連續數日錄得過百萬港元票房，由於氣勢如虹，所以日本方面都揀選喺香港搞《進擊2》嘅全球首映，飾演主角艾倫嘅三浦春馬，到時會同女主角水原希子齊齊來港配合宣傳，本地影片發行商就話未定首映禮日期同埋地點，一有消息會向外公佈詳情。