你地傾到咖啡機呢個話題, 好有親切感
**************************************************************
好多男人鍾意飲咖啡，咁多飲品唔揀，特別鍾意飲咖啡。
覺得識飲咖啡好型，因為唔係人人都識得點樣去品味，好似紅酒咁。
但係紅酒太貴，唔係人人飲得起，所以退而求其次，飲咖啡。
而親自沖咖啡就比飲紅酒多左樣樂趣，你要挑材料要花功夫要付出要練習。
因為自己想得到而去付出，即使沖出黎的咖啡唔夠靚，都會飲得津津有味。
為左飲一杯靚咖啡，想方設法去揀消費得起的原材料，買部又型又靚的咖啡機。
終於買左部咖啡機返黎，好方便，將所有野放晒入去，你得到一杯味道合宜的咖啡。
成個過程簡單左好多，你唔再需要辛苦練習，漸漸習慣了來來去去都係咖啡機沖出來那種味道。
由於有左咖啡機，你已經懶得練沖咖啡。
你開始覺得其實買材料返黎放入咖啡機，同你享出面飲到每朝一杯的差唔到多少。
雖然係有分別，但其實你根本唔需要日日飲咁靚的咖啡。
咁做乜要咁貴買d材料返黎?仲要煩洗煩保養?
想飲咩都係出去買算啦，況且日日飲咖啡又削胃，苦得多都想甜下。
於是咖啡機開始被遺忘，咖啡豆咖啡粉過了期，沖咖啡用的器皿不知放到哪去了。
呢d機，同女人買返黎的豆漿機一樣，貪新奇用過就算。
然後，你已忘記怎樣去沖一杯最好的咖啡，技術都生疏了。
這麼煩，乾脆以後都唔沖了。
