|
莫連奴竟然教賓帥點排陣
車路士同利物浦歐聯盃16強首回合同樣落敗，兩隊皆需要為即將開打次回合賽事積極備戰。大戰當前，奇怪係車路士領隊莫連奴竟然有空閒時間「指點」利物浦主帥賓尼迪斯（圖）。莫連奴認為，賓帥首回合排陣失誤，因為對手熟悉摩連迪斯同科拿呢對箭頭，佢話：「我唔明白點解賓尼迪斯該役安排高治同D施斯擔任後備，高治前線擁有明顯高空優勢，呢個巨人肯定可以為賓菲加防線帶來唔少麻煩。至於D施斯係利物浦速度最快射手，如果佢落場，對加強球隊攻擊深度亦有極大幫助，可能係有一外界唔了解原因，令佢無法出任正選。摩連迪斯同科拿都係好球員，但葡萄牙守將對呢類組合非常熟悉，防守時唔會遇到太大麻煩。」
|
