From 獨立媒體
十一國慶灣仔夜市被飭令下午收檔 檔主嘆中伏：唔係刺激消費，係刺激檔主
https://tinyurl.com/2dmv243f
香港「夜繽紛」重頭戲之一的海繽夜市昨日在灣仔開幕，不過最引起市民討論的，卻是無電供應，部分檔主更在近日才得悉，十月一日國慶煙花匯演當日，因為「人流管制 」而被要求下午4時收檔。有售賣魚子醬的檔主今早在電台節目坦言「中咗伏」，諷刺活動是另類「繽紛」，「原來人流多，就唔係刺激消費，係刺激個檔主」。發展局雖然稱「供電大致無問題」，但有台灣人檔主笑言主辦方提供的1,000瓦特屬「細電」，「淨係攞嚟叉下電聽下歌啊，都ok嘅」。
「媽媽補給站」的檔主羅先生因為停電而損失最少6,000至7,000元的魚子醬，加上租用發電機和運輸費，未做生意已經額外要花約7,000元。他指灣仔海濱夜市免租，不過場地提供的電力只能使用1,000瓦特以下的電器，一般煮食用具例如電磁爐和電飯煲，已經超過1,000瓦特。由於場地一直無電供應，他昨日要買40包冰，並租用發電機「頂住啲雪櫃」。他指部分魚子醬「Total loss（報廢）」，部分亦失去鮮味而要減價發售。
對於十月一日只能營業至下午4時，羅先生指上星期才得悉消息，即時反應是「個夜繽紛都好繽紛囉」，政府稱要刺激市民出街消費增加人流，「但人流最多，就唔係刺激消費，係刺激個檔主」。他亦不滿主辦方公布消息有如「皇恩大赦」般，向檔主說「唔緊要㗎，你哋4點收咗咪唔使同人迫，坐喺度睇煙花咋嘛」，羅先生感到氣憤「我中秋國慶唔陪屋企人，就係為咗出嚟賺錢，我唔係為咗睇煙花嘛！」
他批評若說「危險」，主辦方要求攤檔在馬路雙黃線卸貨，「都已經足夠危險，關人流咩事啫」，以往除夕倒數有10多萬人排隊，但仍有攤檔可以賣水賣食物。羅先生指，今次灣仔海濱夜市有5個攤檔，因為有商會朋友問他「政府搞呢個，有無興趣」，他形容「拎咗5檔」是「中咗伏」，質疑主辦方「俾壇咁嘅嘢我，係咪整蠱我」。
當然要讓路
唔係中伏，係「無私奉獻」
