前作比較似小圓,慢慢氹觀眾入局後先發現中伏,但本篇就一開始就已經係連鎖不幸咁沈重。
前作嘅外傳漫畫主角清衣/皮露露可(即「幸運晶」嘅首任LRIG)登場,即意味本篇發生喺前作之後幾年(清衣已經升上高中)。希望佢唔係只係齋客串。
新版遊戲規則加咗金色硬幣呢個類似課金嘅設定,即係迫人出課金先贏到。但啲硬幣一旦賭輸晒就要「被消失」,同前作輸三次願望就被逆轉嘅殘酷度有過之而無不及。
騙徒手法層出不窮,先嚟靠嚇用「會消失」呢個威脅逼你開始玩,當玩熟咗後,就用「贏咗就有得操控記憶」嘅「獎賞」嚟呃人繼續玩落去。
呢個新騙局除咗呃埋男人,而家連蘿莉都唔放過。