就皇馬賣飛事件, 你對足總看法如何??

[paulchan]

轉貼

足總管理不現代化

本地足球難有明天


西 班 牙 足 球 勁 旅 皇 家 馬 德 里 來 港 作 表 演 賽 ， 把 香 港 足 球 總 會 應 變 能 力 差 、 管 理 不 善 的 問 題 暴 露 無 遺 。 在 門 券 正 式 發 售 前 ， 大 批 市 民 「 合 法 」 插 隊 ， 令 守 法 在 後 面 排 隊 的 市 民 錯 失 購 票 機 會 ， 警 方 無 可 奈 何 ， 因 為 足 總 並 不 限 制 排 隊 人 士 接 引 親 朋 加 入 。 足 總 連 排 隊 秩 序 也 管 不 好 ， 完 全 追 不 上 現 代 化 管 理 的 要 求 ， 香 港 足 運 怎 會 有 明 天 ﹖

[Busconcamp]

香港已淪為未發展地區......:sick:

[Coquelicot]

買飛既人都冇自律性啦, 自私自利
人地肯早賣d飛同開個大球場都要鬧
係佢地自己心甘命抵去排飛既
個大球場又唔係足總話開放就可以開放
新聞訪問d死o靚仔仲要樣串串咁大聲鬧
果d正一聲大夾惡惡人黨:mad:

[某F]

Originally posted by Coquelicot :
買飛既人都冇自律性啦, 自私自利
人地肯早賣d飛同開個大球場都要鬧
係佢地自己心甘命抵去排飛既
個大球場又唔係足總話開放就可以開放
新聞訪問d死o靚仔仲要樣串串咁大聲鬧
果d正一聲大夾惡惡人黨:mad:

係足總唔肯派酬攪到d人唔知道仲有無飛買

令佢地局住係度等左成晚

比我都興啦,將心比心:cwm15:

[龍寶寶]

康 寶 駒 被 斥 衰 過 政 府

近 千 名 球 迷 輪 候 皇 馬 表 演 賽 門 票 向 隅 ， 怒 斥 香 港 足 球 總 會 安 排 失 當 ， 首 先 是 公 布 的 公 開 發 售 門 票 數 目 突 然 「 縮 水 」 六 千 張 ， 連 累 他 們 餐 風 宿 露 仍 空 手 而 回 ， 然 後 是 賣 票 職 員 工 作 慢 吞 吞 。 本 報 昨 接 獲 大 量 不 滿 足 總 的 投 訴 電 話 ， 部 分 憤 怒 的 球 迷 矛 頭 直 指 足 總 主 席 康 寶 駒 ， 批 評 他 帶 領 的 足 總 「 仲 衰 過 董 建 華 帶 領 特 區 政 府 」 。 康 寶 駒 昨 回 應 時 指 足 總 會 吸 取 訓 ， 但 仍 堅 稱 排 隊 輪 候 是 最 公 平 的 售 票 方 式 。

公 開 售 票 突 然 大 縮 水

大 批 不 滿 足 總 及 康 樂 文 化 事 務 署 安 排 的 市 民 ， 昨 紛 紛 致 電 傳 媒 「 大 控 訴 」 ， 康 寶 駒 頓 成 眾 矢 之 的 。 市 民 盧 先 生 批 評 ， 「 我 一 句 話 形 容 ， 足 總 仲 衰 過 特 區 政 府 ； 如 果 有 第 二 句 就 係 ， 康 寶 駒 帶 領 足 總 ， 仲 衰 過 董 建 華 帶 領 特 區 政 府 」 。

不 少 市 民 又 投 訴 ， 大 會 職 員 前 日 下 午 四 時 用 揚 聲 器 宣 布 ， 二 十 分 鐘 後 會 安 排 輪 候 人 士 入 大 球 場 登 記 ， 部 分 離 隊 購 買 食 物 或 飲 品 的 市 民 未 能 及 時 歸 隊 ， 結 果 被 摒 諸 門 外 ， 感 到 十 分 不 滿 。 其 中 一 名 「 受 害 人 」 陳 小 姐 謂 ， 「 香 港 好 原 始 ， 點 解 唔 搵 城 市 售 票 處 幫 忙 ？ 」

楊 先 生 怒 氣 沖 沖 批 評 ， 「 足 總 製 造 氣 氛 變 搞 騷 亂 ， 管 理 人 員 真 係 好 低 B ！ 」 。 市 民 曾 小 姐 則 批 評 大 會 於 本 周 一 防 範 打 尖 不 力 ， 初 時 不 足 五 十 人 排 在 她 的 前 面 ， 但 其 後 有 大 批 「 公 仔 人 」 （ 紋 身 大 漢 ） 打 尖 ， 到 正 式 售 票 時 竟 有 多 達 五 百 人 排 在 她 前 面 。

足 總 在 開 售 門 票 前 ， 不 斷 向 外 宣 稱 有 兩 萬 多 張 門 票 對 外 發 售 ， 但 正 式 開 售 兩 個 多 小 時 後 ， 康 寶 駒 才 澄 清 即 場 發 售 的 數 目 只 有 一 萬 六 千 張 ， 令 不 少 市 民 大 失 預 算 。 康 寶 駒 昨 日 表 示 ， 該 會 將 三 萬 六 千 張 門 票 主 要 分 為 兩 類 ， 一 萬 二 千 二 百 張 為 內 部 認 購 ， 其 餘 約 二 萬 四 千 張 為 對 外 發 售 ， 當 中 約 一 萬 六 千 張 即 場 發 售 、 三 千 一 百 五 十 張 供 旅 遊 發 展 局 的 海 外 旅 客 、 三 千 二 百 五 十 張 供 贊 助 商 、 一 千 四 百 張 則 屬 公 益 金 、 皇 馬 球 會 及 西 班 牙 總 商 會 。

他 強 調 ， 對 外 發 售 與 即 場 發 售 並 不 相 同 ， 可 能 是 市 民 誤 解 了 足 總 的 意 思 。 他 又 堅 持 排 隊 是 最 公 平 的 售 票 方 法 ， 但 希 望 港 府 下 次 可 提 供 場 地 予 足 總 更 好 地 安 排 輪 候 人 士 。

霍 震 霆 認 售 票 欠 理 想

香 港 足 球 總 會 會 長 霍 震 霆 承 認 輪 候 皇 馬 球 賽 的 購 票 人 龍 出 現 混 亂 是 欠 理 想 ， 承 諾 日 後 會 改 善 有 關 情 況 。 民 政 事 務 局 局 長 何 志 平 則 說 ， 這 類 國 際 盛 事 香 港 很 久 未 試 過 ， 自 當 年 南 華 對 九 巴 一 役 後 ， 從 未 試 過 出 現 這 盛 況 ， 故 超 乎 某 些 人 的 估 計 。

他 又 說 ， 不 擔 心 事 件 會 打 擊 香 港 國 際 形 象 ， 因 香 港 試 過 有 很 多 人 和 平 上 街 ， 然 後 又 有 很 多 人 在 和 平 的 情 況 下 排 隊 購 票 ， 這 是 很 好 的 「 國 際 形 象 」 。

[龍寶寶]

康寶駒炒得啦,不知所謂:32:

[Magic Q]

排隊冇問題既
但康寶駒既態度就好有問題
自己口口聲聲話2萬張,之後變左萬六張就話市民接收有問題
最賤就係佢好似好贊同王牛同打尖呢d做法

不過講都尾,人地有錢我地冇,我地冇野好講

[Coquelicot]

Originally posted by 某F :

係足總唔肯派酬攪到d人唔知道仲有無飛買

令佢地局住係度等左成晚

比我都興啦,將心比心:cwm15:

咁呢樣真係唔抵幫
不過聽到有個去電台投訴
話12點聽到康寶駒講仲有二千張
由上水出黎2點先到, 去到冇晒就鬧
自己識計數都唔會咁遲先去啦, 有d真係好無理取鬧
不過足總下次應該醒目啦呱, 今次搞個大頭佛
上次利物浦冇咁多人先冇咩問題

[chunyu]

波飛分配果度好有問題 , 得果萬六張公開發售......
內部認購有成二萬幾 , 唔知俾左咩人 , 冇透明度 , 冇機制~~~
發售地點.....得一個......無其他途徑買飛.......
訂價過高 , 無考慮過市民o既負擔能力........

政府無盡到監督o既責任 , 足總黑箱作業, 浪費納稅人金錢......

[無聊人雲長]

而家最大問題係佢地無理到王牛同打尖問題
1個人可以變成n個人,排第1突然變做排第63

[無聊人雲長]

Originally posted by chunyu :
波飛分配果度好有問題 , 得果萬六張公開發售......
內部認購有成二萬幾 , 唔知俾左咩人 , 冇透明度 , 冇機制~~~


政府無盡到監督o既責任 , 足總黑箱作業, 浪費納稅人金錢......

內部認購又係好有問題
今次政府係會包底,而且估計數目唔小
呢d錢係納稅人金錢,咁點解仲會有咁多內部認購飛? 係咪應該分番多d出黎公開發售,對市民公平一d

[Busconcamp]

Originally posted by Coquelicot :


咁呢樣真係唔抵幫
不過聽到有個去電台投訴
話12點聽到康寶駒講仲有二千張
由上水出黎2點先到, 去到冇晒就鬧
自己識計數都唔會咁遲先去啦, 有d真係好無理取鬧
不過足總下次應該醒目啦呱, 今次搞個大頭佛
上次利物浦冇咁多人先冇咩問題
最死係足總既發言人係當日(31/07)下午1:00
既新聞報告:
"重話就算D人係夜晚9:00黎大球場
排隊既重有飛買得倒......":donno:
信佢真係蛇都死~:cwm10: :cwm10: :cwm10:

[Busconcamp]

Originally posted by 無聊人雲長 :


內部認購又係好有問題
今次政府係會包底,而且估計數目唔小
呢d錢係納稅人金錢,咁點解仲會有咁多內部認購飛? 係咪應該分番多d出黎公開發售,對市民公平一d
政府包底1,100萬港圓~:cwm23:

[Hikari]

Originally posted by chunyu :
-skip-
訂價過高 , 無考慮過市民o既負擔能力........

-skip-
訂價我覺得唔算高喎,o係外國睇場波/香港睇場演唱會(當然唔係香港o個D本地歌手,而係外國著名歌手黎香港演出o個D)都要咁既價錢啦

[Busconcamp]

Originally posted by 無聊人雲長 :
而家最大問題係佢地無理到王牛同打尖問題
1個人可以變成n個人,排第1突然變做排第63
報紙都有話:
有個人明明排第幾十位,
點知變左排幾佰位......:cwm13:

[Samuel]

Originally posted by Hikari :

訂價我覺得唔算高喎,o係外國睇場波/香港睇場演唱會(當然唔係香港o個D本地歌手,而係外國著名歌手黎香港演出o個D)都要咁既價錢啦

外國睇波就唔駛咁貴.....
睇歐聯呢類型賽事 靚位都係6-700蚊左右(睇足版講)