其實你地覺得有冇自由意志呢樣野...

[mmssm]

如果我信physics, 意志係物質狀態既結果(大腦+神經), 咁其實下刻我諗乜野係deterministc, 我既意志follow 物理既laws...

同埋我想問"過去"究竟存唔存在...會唔會係所有人記憶係俾第二啲野植入左另我地覺得世界係有過去?

最後亦想問下上一刻既我同現在既我係咪都係同一樣既我....

[蘭格哈撒]

如果我信physics, 意志係物質狀態既結果(大腦+神經), 咁其實下刻我諗乜野係deterministc, 我既意志follow 物理既laws...

同埋我想問"過去"究竟存唔存在...會唔會係所有人記憶係俾第二啲野植入左另我地覺得世界係有過去?

最後亦想問下上一刻既我同現在既我係咪都係同一樣既我....

首先搞清楚先
1. 最根本地說，人既意志follow物理既laws係乜意思？人諗野個大腦都會活動，就算係咁易郁一下，都叫有物理活動。咁係唔係就代表我地諗既野係「被決定」呢？所謂意志follow物理既laws呢句說話本身要被準確定義，否則係唔可能推論說你冇自由意志

2. 就算假定1.不對，不要忘記量子物理學中有測不準原理，粒子係微觀狀態下有不可預測的活動

3. 你最後既問題相當複雜，古今大把人討論過呢個問題。要搵一個確實既理由去保證自我有連續性，我相信好難，但呢個問題唔一定要搵一個咁「科學」式既答案，通常人肯定一個人既自我有冇連續性，係睇各方面性格同之前有冇好大唔同，從而根據經驗去判斷的，個人覺得呢個問題屬於「係夜空中觀星懶係浪漫實質冇事搵事做時突發奇想諗出來既根本不構成大問題既所謂問題」

[mmssm]

1. 我指意志其實係大腦狀態既副產品黎, 粒子間神經間既interaction 導致我有意志既感覺同作出相應行為.(即唯物論) 既然係大腦狀態,咁應該follow physics, 下刻既狀態應該可以計算出黎.
假如有靈魂, 咁佢同現實有些什麼連繫,使得我身體行為跟靈魂所想的一致?

2.量子力學有wave function, 一般解讀都係粒子既位置速度既機率
個wave function 亦follow physcis 既law, 就如hamiltonian
從hamitonian 我地可以計算下刻wave function, 亦係deterministic.

不過其實都唔關事, 就算係機率,係不確定,都唔係我地去控制
如果佢係follow 量子個game 去玩, 我地都只係唔知下刻係乜,或者我地意志同想法都係機率性地決定,照舊係控制唔到既野黎,而唔係由我地控制得既"自由意志"黎...?

[Designer]

一啲好簡單嘅問題好多時都解釋唔到，例如"呢個世界係唔係實質存在"咁，不過通常都係哲學問題。

自由意志
http://zh.wikipedia.org/wiki/%E8%87%AA%E7%94%B1%E6%84%8F%E5%BF%97
自由意志是相信人類能選擇自己行為的信念或哲學理論 （這個概念有時也被延伸引用到動物上或電腦的人工智慧上）。自由意志被認為對道德判斷因而受到眾多宗教組織支持。但是史賓諾沙和馬克思等思想家批評其為個人主義者的意識形態。一般使用上，這個詞有客觀和主觀的附加意義，客觀是行動者的行動不完全受預設因素影響，主觀是行動者認為自己的行動起因於自己的意志。

構成自由意志的主要架構包括宗教、倫理、心理、科學等方面，舉例而言，在宗教範疇，自由意志可能意味全能的神並不以其力量掌控個人的意志和選擇；在倫理學，自由意志可能意味各人在道義上要對自己的行為負責；在心理學，這意味心靈控制身體的部份動作；在科學領域，自由意志可能意味身體的動作，包括大腦在內，不全由物理因果所決定。

自由意志存在與否在哲學與科學的歷史上一直是核心議題。

過去，現在，未來即係時間問題
http://zh.wikipedia.org/w/index.php?title=%E6%99%82%E9%96%93&variant=zh-hk
哲學
什麼是時間？時間是物理的，還是心理的？對時間的感受是絕對的，還是相對的？時間真的是不可逆的嗎？時間有開始和結束嗎？這些問題似乎都是物理或天文的問題，但哲學作為世界觀的理論無法避免對世界上最基本的一個現象——時間，做類似的考慮。 因此對時間的考慮也始終是哲學的問題。 時間是不可分的還是可分的呢？這是困擾哲學家幾千年的問題。古希臘哲學家芝諾提出兩個悖論-飛矢不動悖論和阿奇里斯(Achilles)悖論，討論時間的可分性。

>最後亦想問下上一刻既我同現在既我係咪都係同一樣既我....
可以參考平行宇宙理論
http://zh.wikipedia.org/w/index.php?title=%E5%B9%B3%E8%A1%8C%E4%B8%96%E7%95%8C&variant=zh-hk

[蘭格哈撒]

1. 我指意志其實係大腦狀態既副產品黎, 粒子間神經間既interaction 導致我有意志既感覺同作出相應行為.(即唯物論) 既然係大腦狀態,咁應該follow physics, 下刻既狀態應該可以計算出黎.
假如有靈魂, 咁佢同現實有些什麼連繫,使得我身體行為跟靈魂所想的一致?

2.量子力學有wave function, 一般解讀都係粒子既位置速度既機率
個wave function 亦follow physcis 既law, 就如hamiltonian
從hamitonian 我地可以計算下刻wave function, 亦係deterministic.

不過其實都唔關事, 就算係機率,係不確定,都唔係我地去控制
如果佢係follow 量子個game 去玩, 我地都只係唔知下刻係乜,或者我地意志同想法都係機率性地決定,照舊係控制唔到既野黎,而唔係由我地控制得既"自由意志"黎...?

太難既physics我唔識了，但我嘗試答下你啦~

你第一個問題， 靈魂如何同現實聯繫，牽涉兩個範疇，一個係物理世界，一個係精神世界。呢兩者點樣互相作用，至今無人能給出準確答案，亦有人(我唔記得邊個了)指出呢一點非人類理性所能理解，就好似蝙蝠唔了解視覺世界一樣。我個人亦認為的確如此。

量子力學既野我唔多識，但一般討論決定論與非決定論時，都係用呢點去作為非決定論既最大證據的。而你提到最後一點，控制唔到都唔叫自由意志，呢點你講得o岩，決定論與非決定論既討論中，人們認為決定論和非決定論皆不可被接受，原因正在於此：如果決定論成立，則我地冇自由意志，咁我地會好冇生存意義，因此決定論不可被接受；如果非決定論成立，則有些想法唔係由我地自己既意志所控制，等於我地個腦會自己想東西但又唔由我地控制，結果同樣不可被接受

我建議你可去睇下關於決定論既書籍，不過先提醒你，你唔會搵到答案的，呢場討論經歷千年，最後係由於人地拗到悶，才於當代息微的

[bbmanonline]

[大誤]
physics這樣東西

即使自由意志是一種非物質
都可以定義為假想粒子
[/大誤]

[尼路]

我想知樓主對自由是如何界定才會比較容易回答。
假設我在使在一部電腦，你會話因為電腦軟硬體已經控制這部電腦的功能，所以我不能自由去使用這部電腦？還是會說因為每個人的使用方法不同，我可以隨自己自由去使用，不過只是不可超出電腦能力界限而已呢？

[星野豪豬]

「自由」「意志」嘛....
首先要睇下樓主點定義自由意志依樣野。

有o的人話，今餐晏仔去老麥我想食巨無霸餐轉薯皇加大。
依o的係我o係自由意志下所選擇的事物。
所以我係有自由意志的。因為我可以選擇。

但係掉返轉諗。
今日要食晏，又係咪可以用自由意志去決定o既呢？
冇錯選擇去邊度食咩野，係由你所決定，
但係食野係人的basic needs，
食唔食野，又係咪可以選擇呢？

我的意志到底係咪自由的呢？

引申到樓主的問題，
「我既意志follow 物理既laws」，
好似二樓o既蘭格哈撒大咁講

首先搞清楚先
1. 最根本地說，人既意志follow物理既laws係乜意思？人諗野個大腦都會活動，就算係咁易郁一下，都叫有物理活動。咁係唔係就代表我地諗既野係「被決定」呢？所謂意志follow物理既laws呢句說話本身要被準確定義，否則係唔可能推論說你冇自由意志



到底樓主所定義的意志是什麼？
一堆物理定律？
將樓主的問題擴充下去，
其實所有人，去做o的咩野，
係咪都係物理定律下o既產物呢？

而o個條law 可唔可以用實驗重現到呢？
佢又係根據o的咩野去「決定」我同其他人的差異呢？

用物理科學去討論意志，其實幾有趣。
不過我估有好多野要先定義清楚....

唔係好難講落去:)

[Cucu]

如果無自由意志既話，
例如你去尋日去m記食野，
如果世界回到過去，你都會去返m記食野，重覆幾多次都會